Градоначалникот  н аопштина Василево Славе Андонов, денес направи увид во тековните работи на улицата во изградба во населеното место Пиперево. Тековно се работат последните подготвителни активности за асфалтирање на улицата,  кое според информациите од изведувачот ќе биде завршено до крајот на оваа недела.

Задоволен од текот на одвивање на планираното, градоначалникот информира дека ова е последната улица што ќе биде асфалтирана во оваа календарска 2022 година и дека во наредната година, општината во континуитет, согласно планираното ќе продолжи со изградба и подобрување на локалната патна инфраструктура.

Оваа улица е во должина од 173 метри и ширина на коловозната лента од околу 3,5 метри.

Буџетот за нејзина реализација, согласно Договорот склучен со компанијата изведувач изнесува 883 762 денари, средства обезбедени од општинската каса.

Изведувач на градежните работи на терен е компанијата  Бони интерградба.