Виктор Христов, наставник по англиски јазик, е новиот директор во ООУ „Гоце Делчев Василево, кој доаѓа на местото на Дејан Стојанов.
Информацијата преку својот ФБ профил, https://www.facebook.com/vasilevo24, ја сподели градоначалникот на општина Василево Славе Андонов.
„На средбата со новиот директор, Виктор Христов разговаравме за состојбите во ООУ ,,Гоце Делчев” Василево при што ја истакнав мојата безрезервна поддршка на оваа централно училиште. Заеднички констатиравме дека неопходно е организирано, систематско и континуирано ангажирање и на општината и на училиштето заради подигање на квалитетот на образованието на уште повисоко ниво. Заедничка цел ќе биде постигнување на што подобри резултати во работењето, врз база на целосно искористување на капацитетите, максимално подигање на нивото на образованието, максимално искористување на вработените и опремата, а во исто време и максимално намалување на трошоците на работењето“. Градоначалникот Андонов му се заблагодари на досегашниот директор Дејан Стојанов за соработката и ангажманот.
„Сакам да му се заблагодарам на претходниот директор Дејан Стојанов за досегашната соработка и неговиот ангажман во ООУ „Гоце Делчев” Василево“, стои во ФБ објавата на градоначалникот Андонов.