„Ќе се реконструира домот на културата во Градошорци. Општина Василево во партнерство со општина Кресна, Р.Бугарија, успеа да обезбеди средства со прекугранична соработка“, напиша на својот ФБ профил, https://www.facebook.com/vasilevo24, градоначалникот на општина Василево, Славе Андонов, во врска со најновите активности на општина Василево во делот на Прекуграничната соработка на INTERREG IPP помеѓу Р.Бугарија и Р.Македонија 2021-2027.
Со буџет од 346 000 евра ќе биде извршена целосна реконструкција на Домот на културата во Градшорци која опфаќа: реконструкција на кров, нова фасада, поставување на фотоволтаици, хортикултурно уредување на просторот, поставување на аудио техничка опрема и уредување на спомен соба на Мис Стон.
Следниот чекор во планираните активности е потпишување Договор меѓу сите партнери кои ќе бидат вклучени во реализација на Проектот. Планиран период за имплементација на сите активности е 24 месеци.
„По комплетирањето на целосната документација,се надевам сите ќе бидеме сведоци на почетокот со градба на овој прекрасен објект, кој го заслужува Градошорци. Општина Василево е една од неколкуте општини од Р.Македонија, чиј проект беше прифатен како соодветен за финансирање“, стои во објавата на Градоначалникот.
Во 2022 година, општина Василево и општина Кресна потпишаа Договор за партнерство за аплицирање по INTERREG IPP за прекугранична соработка помеѓу Република Македонија и Република Бугарија 2021-2027“, чиј резултат е Реконструкцијата на Домот на културата во с. Градашорци.
INTERREG IPP Бугарија и Република Македонија 2021-2027 програмата е финансирана од Европската Унија со средства според Инструментот за претпристапна помош (ИППЗ).





