Денес, учениците- членови на Ученичкиот парламент при ООУ „Гоце Делчев“, Василево заедно со одговорните наставнички Марија Костуранова и Марија Вучкова, беа на предновогодишна средба со градоначалникот на општина Василево Славе Андонов.
Во пријатна атмосфера разменија информации за надлежностите и улогата што секој ја има во својата област, за можностите што се јавуваат како резултат на взаемна соработка и поинтензивна комуникација.
Разговараа и за тековните потреби и најургентните прашања чие решавање ќе значи подобри услови за одвивање на наставата а со тоа и постигнување на подобри резултати. Договорено беше ваквите средби во второто полугодие да добијат континуитет а дел од идеите кои беа предложени, како профункционирање на кабинетите, едносменско работење, модерно повеќенаменско игралиште, повеќе културно забавни настани и слично, беа заедничка желба за Новата 2023 година.





