Денес, ООУ„Гоце Делчев“, Василево, на свечен начин, во Домот на културата во Василево, го одбележа својот патрон празник.
Со специјално подготвена програма од музички, драмски и литературни творби, учениците му оддадоа почит на револуционерот Делчев.
За ликот и делото на Гоце Делчев, во своето поздравно обраќање пред присутните се осврна директорот на училиштето Дејан Стојанов.
Присутните ги поздрави и градоначалникот на општина Василево Славе Андонов, кој меѓу другото рече: „Неговата мисла дека светот е поле за културен напредок меѓу народите, актуелна денес исто колку и тогаш, треба и ќе остане наша водилка во надминувањето на сите мали и поголеми пречки со кои се соочуваме на патот во креирањето на подобри услови за сите а пред се за вас учениците – нашата надеж, нашата иднина и гаранција за подобро утре. Да го чуваме споменот за Делчев и како негови наследници да го продолжиме неговото дело“, им порача градоначалникот Андонов на учениците и вработените во училиштето.
Author Archives: opstinaadmin
Објава за издавање Б Интегрирана еколошка дозвола на АД Струмичко поле -Василево
Градоначалникот на општина Василево објавува издавање на Б Интегрирана еколошка дозвола на АД Струмичко поле -Василево – Инсталација за производство и промет на вино, концентрирана шира и вински дестилат
Нацрт Б Интегрирана еколошка дозвола на АД струмичко поле -Василево
Општина Василево обезбеди средства за реконструкција на филтер станицата во Добрашинци
Со средства обезбедени од Министерството за животна средина и просторно планирање, преку Програмата за управување со води за 2024 година, општина Василево ќе ја реконструира филтер станицата во с. Добрашинци, од која со вода за пиење се снабдуваат населените места Добрашинци,Нова Маала и Чанаклија.
Преку својот ФБ профил, https://www.facebook.com/vasilevo24, информацијата ја сподели градоначалникот на општина Василево Славе Андонов: „Обезбедивме средства за реконструкција на филтер станицата во Добрашинци. Обезбедени се средства за првата фаза од реконструкцијата и надградувањето на филтер станица за прочистување на питка вода во висина од 2.000.000 денари. Постепено но сигурно работиме населените места во општина Василево да добијат чиста вода за пиење. Ветувањата кон граѓаните се реализираат“, напиша Андонов.
Согласно Барањето поднесено до Министерството за животна средина, за реконструкцијата која ќе опфати набавка, инсталација и монтажа на опрема, потребни се финансиски средства во износ од 3 000 000 денари, од кои општина Василево, со Одлука на Советот се обврза да обезбеди 26% односно 780 000 денари како сопствено учество во реализацијата на проектот.
Причина за неопходноста од реконструкција на оваа филтер станица е застарената опрема и многу малиот капацитет поради што не ги задоволува потребите на трите населени места ниту по квалитет ниту по квантитет.
Со реконструкцијата проблемот ќе биде долгорочно решен.
Општина Василево асфалтираше две улици во с. Василево
Општина Василево, во текот на вчерашниот ден асфалтираше две улици во населеното место Василево и тоа според информацијата споделена од градоначалникот на општина Василево Славе Андонов, https://www.facebook.com/vasilevo24, кој присуствуваше на асфалтирањето, станува збор за улицата кај Шенол и улицата кај Томе Николов во т.н Шекинска маала.
Едната улица е со должина од 130 метри, другата 65 метри, и со ширина на двете од по околу 3 метри.
Буџетот за овие две улици изнесува околу 900 000 денари (887 979 ден).
Улиците се од минатогодишната Програма за изградба, реконструкција и одржување на локални патишта и улици во општина Василево и нивната изградба односно подготвителните фази како рамнење, насипување и тампонирање беа завршени во изминатиот период.
Нови улици за асфалтирање и тоа вкупно 8, во ова населено место се планирани и со годинешната Програма за изградба, реконструкција и одржување на локални патишта и улици, која тековно ќе се реализира.
Во Нова Маала започна изградбата на улицата покрај џамијата
Општина Василево започна со изградба на улицата покрај џамијата во населеното место Нова Маала, со што ја стартуваше и реализацијата на годинешната Програма за изградба, реконструкција и одржување на локални патишта и улици.
На стартот на градежните активности увид направи градоначалникот на општина Василево Славе Андонов. „Почнуваме со градежни активности на една од клучните улици во турското маало во нова маала. Денес направивме увид во градежните активности на улица покрај Џамијата во Нова Маала која е една од најголемите и најзначајна улица. Оваа улица ќе добие асфалт по поставувањето на нов тампон. Запазени се сите рокови и ветувања кон граѓаните“, напиша градоначалникот Андонов на својот ФБ профил.
Според податоците од техничката документација, должината на оваа улица изнесува 180 метри а ширината околу 3 метри, односно ќе бидат асфалтирани вкупно 560 м2 .
Согласно Договорот со компанијата која ги изведува градежните активности на терен, буџетот за изградба на оваа улица изнесува 881 935 денари, средства обезбедени од општинската каса.
Заврши реконструкцијата на филтер станицата „Ташли Баир“
Веста за завршувањето на реконструкцијата на филтер станицата „Ташли Баир“, од каде со вода за пиење се снабдуваат населените места Василево, Градашорци, Ангелци и Едрениково и стопанските субјекти во индустринската зона на општина Василево, преку својот ФБ профил, https://www.facebook.com/vasilevo24, ја сподели градоначалникот на општина Василево, Славе Андонов.
„Василево, Градашорци, Ангелци и Едрениково конечно ќе имаат чиста и здрава вода за пиење. Заврши реконструкцијата на филтер станицата „Ташли баир“ . Целосно и темелно се реши проблемот со вода за пиење за жителите на Василево, Градошорци, Ангелци и Едрениково. Навистина сум среќен што решаваме децениски проблем. Правото на пристап до чиста вода е основно човеково право. Ветувањата кон граѓаните се реализираат“, напиша градоначалникот Андонов.
Од овој систем за водоснабдувањље со вода за пиење се снабдуваат 1459 домаќинства од населените места Василево, Ангелци, Градашорци и Едрениково и 139 прави лица.
Буџетот за реконструкција на филтер станицата кое започна минатата година е обезбеден од различни извори, односно 2 000 000 денари од Министерството за животна средина и просторно планирање, преку Програмата за управување со водите за 2023 година, 1 395 940 преку Центарот за развој на Југоисточниот плански регион од Бирото за регионален развој согласно Одлуката за доделување на средства за финансирање на проекти за развој напланските региони за 2023 година и сопствено учество на општина Василево во износ од 104 695 денари.
Советот на општина Василево ја одржа 37-та седница
Советот на општина Василево на вчера одржаната редовна седница ги усвои сите предлози од дневниот ред, кој на самата седница беше дополнет со уште две точки: Барање финансиски средства за организација на Велигденски турнир во мал фудбал во с. Добрашинци и Предлог-информација за изградба на водоснабдителна станица за Висока Маала.
Едногласно и без дискусија беше усвоен предлогот за местата на кои е дозволено лепење плакати за престојните парламентарни и претседателски избори. Согласно Одлуката тоа се одредени трафостаници во населените места, електричните столбови, Домот на културата во с. Нова Маала и кај селската чешма во с. Чанаклија. Во одлуката, посебно е потенцирано дека не е дозволено поставување на плакатаи на електричните кабли од електричните столбови и мостовите низ населените места. Локациите ќе се користат без надоместок, по претходно нивно обележување од страна на Општината за секој подносител на листа посебно.
Без дискусија беа усвоени и Годишен извештај за работа на Центарот за развој на Југоисточниот плански регион за 2023 година; Завршната сметка на ЈОУДГ „Прва радост“, Василево за 2023 година; Предлог-програмата за измена и дополнување на Програмата за изработка на урбанистички планови во општина Василево за 2024 година; Предлог-одлуката за ажурирање на составот на Универзалните сили на општина Василево и Предлог-одлука за измена и дополнување на Одлуката за извршување на Буџетот на општина Василево за 2024 година.
Едногласно беше усвоено Барањето за финансиски средства за организирање на Велигденскиот турнир во мал фудбал во населеното место Добрашинци, како и Информацијата за изградба на водоснабдителна станица за Висока Маала, проект кој ќе се реализира како донација од Република Турција и со кој трајно и квалитетно ќе се реши прашањето со водоснабдување во ова населено место.
Тампониран полски пат во Нова Маала кој води кон патот за Чанаклија
„Се решава горлив проблем со патната инфраструктура за земјоделците кои имаат земјоделски површини во овој дел на Нова Маала“, напиша градоначалникот на општина Василево Славе Андонов, на својот ФБ профил, https://www.facebook.com/vasilevo24,
по увидот во активностите на тампонирање на полскиот пат Нова Маала – Чанаклија кои се одвиваа викендов.
Оваа активност општина Василево ја спроведе во соработка со ЈПКД „Турија“ и истата е планирана во Програмата за комунални дејности на подрачјето на општина Василево за 2024 година
Градоначалникот Андонов најави дека во наредниот период ќе бидат тампонирани полски патишта и во другите населени места каде за тоа има потреба.
Асфалтирано повеќенаменското игралиште во Чанаклија
Викендов општина Василево го асфалтираше повеќенамнеското игралиште во населеното место Чанаклија, чија изградба започна неодамна и се одвива во континуитет.
Согласно документацијата, асфалтната подлога изнесува 990 м2 . Заради специфичноста на теренот од едната страна на три нивоа се поставени габиони, односно специјален камен во жичени кутии.
Целосната изградба на игралиштето која ќе биде во периодот што следува, ќе финишира со негово оградување и одбележување, поставување на стативи за голови и кошеви, четири лед рефлектори, како и клупи и корпи за отпадоци, како дел од парковата инфраструктура.
Изградбата на ова игралиште е планирана со Програмата за уредување на просторот на градежното земјиште во руралните подрачја во општина Василево за 2023 година, кога беше спроведена и постапката за јавна набавка.
Согласно Договорот со компанијата која го гради игралиштето, Буџетот за целосна реализација на сите планирани активности изнесува околу 3,5 милиони денари.
Асфалтирањето на игралиштето го следеше градоначалникот на општина Василево, Славе Андонов, кој преку својот ФБ профил, https://www.facebook.com/vasilevo24, го најави и почетокот на изградба на ново повеќенаменско игралиште во населеното место Висока Маала: „Чанаклија добива ново квалитетно место за рекреирање. Во наредниот период ќе започне изградбата на ново повеќенаменско игралишта во Висока Маала! Го менуваме ликот на Општина Василево“, напиша Андонов.
Дневен ред за 37-ма седница на Советот на општина Василево
На 16.04.2024 година (вторник), со почеток во 14,00 часот, во просториите на ООУ „Гоце Делчев“ во Василево, Советот на општина Василево ќе ја одржи редовната 37-ма седница.
За работа на седницата предложен е следниот дневен ред:
- Предлог-одлука за утврдување на места на кои е дозволено да се истакнат изборни плакати за Претседателски и Парламентарни избори 2024 година со обезбедени еднакви услови за сите организатори на изборната кампања во општина Василево;
- Годишен извештај за работа на Центарот за развој на Југоисточниот плански регион за 2023 година;
- Предлог-одлука за измена и дополнување на Одлуката за извршување на Буџетот на општина Василево за 2024 година;
- Завршна сметка на ЈОУДГ „Прва радост“, Василево за 2023 година;
- Предлог-програма за измена и дополнување на Програмата за изработка на урбанистички планови во општина Василево за 2024 година;
- Предлог-одлука за ажурирање на составот на Универзалните сили на општина Василево.