Во населеното место Нова Маала, општина Василево ја асфалтираше улицата што води покрај џамијата во т.н турско маало. Изградбата на оваа улица е планирана со годинешната Програма за изградба, реконструкција и  одржување на локални патишта и улици.

„Асфалтирана улицата во турското маало во Нова Маала. Посебно сум горд што уште во првата половина од мојот мандат го реализирам моето ветување, дадено во програмата со која ја добив довербата од граѓаните да ја водам општина Василево. Конечно после долги години очекувања на граѓаните од оваа маало се асфалтира улицата. Во наредниот период,ќе се асфалтираат улици во сите населени места во општина Василево. Го менуваме ликот на Општина Василево“, напиша на својот ФБ профил градоначалникот на општина Василево Славе Андонов, во врска со асфалтирањето на улицата во Нова Маал, каде што беше присутен.

Според податоците од техничката документација, должината на оваа улица изнесува 180 метри, ширината околу 3 метри, односно поставен е асфалт на вкупно 560 м².
Согласно Договорот со компанијата која ги изведува градежните активности на терен, буџетот за изградба на оваа улица изнесува 881 935 денари, средства обезбедени од општинската каса.

Министерот за труд и социјална политика, Ѓоко Велковски, вчера беше во работна посета на општина Василево.  По средбата и разговорите во кабинетот на градоначалникот на општина Василево Славе Андонов, министерот остварил средби и разговори со жителите на населените места Нова Маала и Градашорци.

„На состанокот се разговараше  за моменталниот статус и идните чекори за реализација на проектот „ Реконструкцијата на објектот на старата полициска станица во населеното место Добрашинци. Ги посетивме жителите на Нова Маала и Градашорци. Разговаравме за предизвиците со кои се соочуваат граѓаните при остварувањето на правата од социјална заштита“ напиша на својот ФБ профил  https://www.facebook.com/vasilevo24,  градоначалникот Андонов во врска со работната посета на министерот Велковски.

На средбата со Министерот присуствуваа и директорот на ЈОУДГ „Прва Радост“, Василево Игорчо Илиев и пратеникот Дајанчо Ефтимов.

На 07.05.2024 година, со почеток во 09,00 часот, во просториите на ООУ„Гоце Делчев“, Василево, Советот на општина Василево ќе ја одржи триесет и осмата седница.

За работа на седницата предложен е следниот дневен ред:

1.Донесување на Одлука по Барањето за финансиски средства поднесено од Митко Крстев од с. Чанаклија;

2. Донесување на Одлука по Барање за финансиски средства поднесено од Горанчо Таковски од с. Пиперево;
3. Квартален извештај за извршување на Буџетот на општина Василево за 2024 година за периодот од 01.01.2024 до 31.03.2024 година К1;
4. Квартален извештај за доспеаните а неизмирени обврски на општина Василево за периодот 01.01.2024 до 31.03.2024 година К2;
5. Кваратален извештај за промените на состојбата на задолжување на општина Василево за периодот од 01.01.2024 до 31.03.2024 година К3.

Во населеното места Добрашинци и Чанаклија започнаа Велигденските  турнири  во мал фудбал кои  традиционално се одржуваат по повод големиот христијански празник Велигден. Покровител на турнирите  е општина Василево.
На официјалниот старт на турнирот во Добрашинци присуствуваше градоначалникот на општина Василево, Славе Андонов. „Турнирот во Добрашинци секогаш ќе ја има подршката од општина Василево. Им посакувам успех на сите пријавени екипи и се надевам дека целиот турнир ќе се одвива во фер и спортска атмосфера и ќе победи најдобриот“, напиша на својот ФБ профил, https://www.facebook.com/vasilevo24, градоначалникот, кој со првиот шут на топката го означи официјалниот старт  на турнирот.
За учество во овој турнир пријавени се вкупно 13 екипи, распоредени во четири групи и тоа:
Група А: Вистони ЖП Босилово,  Васе Чомбе,  Чанаклија,  Брониер, ФК Дрвош,
Група Б: Васфил Сонце Нова Маала,  ФК Добрашинци, Такси Стево Добрашинци,
Група В: Љута Иловица, Злеово, Блатанс пром Добрашинци,
Група Г: Едрениково, Душко Петров, ЦТ-Инстал.
Натпреварите се играат на игралиштето во с. Добрашинци со почеток во 20,00 часот.
Во Чанаклија  натпреварите се играат на новото повеќенаменско игралиште. Финалните натпревари ќе се одиграат во недела на 05 мај, првиот ден на праззникот Велигден.

Денес, ООУ„Гоце Делчев“, Василево, на свечен начин, во Домот на културата во Василево, го одбележа својот патрон празник.
Со специјално подготвена програма од музички, драмски и литературни творби, учениците му оддадоа почит на револуционерот Делчев.
За ликот и делото на Гоце Делчев, во своето поздравно обраќање пред присутните се осврна директорот на училиштето  Дејан Стојанов.
Присутните ги поздрави и градоначалникот на општина Василево Славе Андонов, кој меѓу другото рече: „Неговата мисла дека светот е поле за културен напредок меѓу народите, актуелна денес  исто колку и  тогаш, треба и ќе остане наша водилка во надминувањето на сите мали и поголеми пречки со кои се соочуваме на патот во креирањето на подобри услови за сите а пред се за вас учениците – нашата надеж, нашата иднина и гаранција за подобро утре. Да го чуваме споменот за Делчев и како негови наследници да го продолжиме неговото дело“, им порача  градоначалникот Андонов на учениците и вработените во училиштето.

Со средства обезбедени од Министерството за животна средина и просторно планирање, преку Програмата за управување со води за 2024 година, општина Василево ќе ја реконструира филтер станицата во с. Добрашинци, од која со вода за пиење се снабдуваат населените места  Добрашинци,Нова Маала и Чанаклија.
Преку својот ФБ профил, https://www.facebook.com/vasilevo24, информацијата ја сподели градоначалникот на општина Василево Славе Андонов: „Обезбедивме средства за реконструкција на филтер станицата во Добрашинци.  Обезбедени се средства за првата фаза од реконструкцијата и надградувањето на филтер станица за прочистување на питка вода во висина од 2.000.000 денари. Постепено но сигурно работиме населените места во општина Василево да добијат чиста вода за пиење. Ветувањата кон граѓаните се реализираат“, напиша Андонов.
Согласно Барањето поднесено до Министерството за животна средина,  за реконструкцијата која ќе опфати набавка, инсталација и монтажа на опрема, потребни се финансиски средства во износ од 3 000 000 денари, од кои општина Василево, со Одлука на Советот се обврза да обезбеди  26% односно 780 000 денари како сопствено учество во реализацијата на проектот.
Причина за неопходноста од реконструкција на оваа филтер станица е застарената опрема и многу малиот капацитет поради што не ги задоволува потребите на трите населени места ниту по квалитет ниту по квантитет.
Со реконструкцијата проблемот ќе биде долгорочно решен.

Општина Василево, во текот на вчерашниот ден асфалтираше две улици во населеното место Василево и тоа  според информацијата споделена од градоначалникот на општина Василево Славе Андонов, https://www.facebook.com/vasilevo24,  кој присуствуваше на асфалтирањето, станува збор за улицата кај Шенол и улицата кај Томе Николов во т.н Шекинска маала.
Едната улица е со должина од 130 метри, другата 65 метри, и со ширина на двете од по околу 3 метри.
Буџетот за овие две улици изнесува околу 900 000 денари (887 979 ден).
Улиците се од минатогодишната Програма за изградба, реконструкција и  одржување на локални патишта и улици во општина Василево и нивната изградба односно подготвителните фази како рамнење, насипување и тампонирање беа завршени во изминатиот период.
Нови улици за асфалтирање и тоа вкупно 8, во ова населено место се планирани и со годинешната Програма за изградба, реконструкција и  одржување на локални патишта и улици, која тековно ќе се реализира.

Општина Василево започна со изградба на улицата покрај џамијата во населеното место Нова Маала, со што ја стартуваше и реализацијата на годинешната Програма за изградба, реконструкција и  одржување на локални патишта и улици.
На стартот на градежните активности увид направи градоначалникот на општина Василево Славе Андонов. „Почнуваме со градежни активности на една од клучните улици во турското маало во нова маала. Денес направивме увид во градежните активности на улица покрај Џамијата во Нова Маала која е една од најголемите и најзначајна улица. Оваа улица ќе добие асфалт по поставувањето на нов тампон. Запазени се сите рокови и ветувања кон граѓаните“, напиша градоначалникот Андонов на својот ФБ профил.
Според податоците од техничката документација, должината на оваа улица изнесува 180 метри а ширината околу 3 метри, односно ќе бидат асфалтирани вкупно 560 м2 .
Согласно Договорот со компанијата која ги изведува градежните активности на терен, буџетот за изградба на оваа улица изнесува 881 935 денари, средства обезбедени од општинската каса.

Веста за завршувањето на реконструкцијата на филтер станицата „Ташли Баир“, од каде со вода за пиење се снабдуваат населените места Василево, Градашорци, Ангелци и Едрениково и стопанските субјекти во индустринската зона на општина Василево, преку својот ФБ профил, https://www.facebook.com/vasilevo24, ја сподели градоначалникот на општина Василево, Славе Андонов.
„Василево, Градашорци, Ангелци и Едрениково конечно ќе имаат чиста и здрава вода за пиење. Заврши реконструкцијата на филтер станицата „Ташли баир“ . Целосно и темелно се реши проблемот со вода за пиење за жителите на Василево, Градошорци, Ангелци и Едрениково. Навистина сум среќен што решаваме децениски проблем. Правото на пристап до чиста вода е основно човеково право. Ветувањата кон граѓаните се реализираат“, напиша градоначалникот Андонов.
Од овој систем за водоснабдувањље со вода за пиење се снабдуваат 1459 домаќинства од населените места Василево, Ангелци, Градашорци и Едрениково и 139 прави лица.
Буџетот за реконструкција на филтер станицата кое започна минатата година  е обезбеден од  различни извори,  односно 2 000 000 денари од Министерството за животна средина и просторно планирање, преку Програмата  за управување со водите за 2023 година, 1 395 940 преку Центарот за развој на Југоисточниот плански регион од Бирото за регионален развој согласно Одлуката за доделување на средства за финансирање на проекти за развој напланските региони за 2023 година и сопствено учество на општина Василево во износ од 104 695 денари.