Во просториите на општина Василево,  градоначалникот на општината Славе Андонов одржа прва, работна средба со претставници на Регионалниот центар за управување со кризи – Струмица,  Милан Русев,  Димитар Стојовски и Билент Исинов кој воедно е и член во Советот на општина Василево.

Како што информираа претставниците од ПО РКОА РЦУК-Струмица, целта на средбата била запознавање на градоначалникот со законските надлежности на РЦУК,  за субјектите во системот за  управување со кризи,  за тековните проекти како и обврските на општината во системот за управување со кризи.

На средбата посебно е нагласена потребата од рано предупредување, превенција и справување со кризи и кризни состојби, како би се превенирале последици од поголеми размери.

Се чистеше отворениот канал во населеното место Градашорци, од каде со механизација се отстранети околу 60 м³ наносен материјал, главно тиња, кал и вегетација. Според информацијата од претставникот на ЈПКД  „Турија“, Василево  исчистен е целиот канал, во должина од околу 250 метри со што се нормализира неговата функационалност односно целосно е подготвен за прифаќање на атмосферските  води кои природно, во периодот кој следува, ќе бидат во пораст.

Увид во активноста направи градоначалникот на општина Василево Славе Андонов со чија координаација се одвиваат секојдневните активности на комуналното претпријатие.

Градоначалникот на општина Василево, Славе Андонов,  согласно своите законски овластувања, присуствуваше на Првата (Конститутивна) Седница на Советот за развој на Југоисточниот плански регион, на која  се верифукувани мандатите на десетте градоначалници од Југоисточниот регион, а избран е и претседател на Советот. Новиот состав на Советот на ЈИПР е: Блажо Шапов – градоначалник на општина Богданци, Ристо Манчев – градоначалник на општина Босилово, Перо Костадинов – градоначалник на општина Валандово, Славе Андонов – градоначалник на општина Василево,  Андон Сарамандов – градоначалник на општина Гевгелија, Анго Ангов –  градоначалник на општина Дојран, Златко Ристов –  градоначалник на општина Конче, Ѓорѓе Божинов – градоначалник на општина Ново Село, Ацо Ристов – градоначалник на општина Радовиш и  Костадин Костадинов – градоначалник на општина Струмица.

За претседател на Советот избран е градоначалникот на општина Гевгелија, Андон Сарамандов.

Денес, се  работеше на проширување на мрежата на атмосферска канализација во населеното место Василево. Со механизација и рачно вршен е ископ на канал и поставување на цеви и шахта за прибирање и канализирање на атмосферските води, кои во случај на врнежи завршуваат во дворовите и предизвикуваат штета на околните домаќинства и улицата која ги поврзува. Увид во тековната активноста изврши градоначалникот на општина Василево, кој континуирано, на терен,  ја следи работата на јавното комунално претпријатие.

На 25.11.2021 година (четврток) со почеток  во 13,00 часот, Советот на општина Василево ќе ја одржи втората седница.

За работа на Седницата предложен е следниот дневен ред:

1. Предлог-решение за формирање на Комисија за финансирање, буџет и локален економски развој;
2. Предлог-решение за формирање на Комисија за урбанизам, комунални дејности, заштита на животната средина и природата;
3. Предлог-решение за формирање на Комисија за општествени дејности;
4. Предлог-решение за формирање на Комисија за земјоделие и заштита на животната средина;
5. Предлог-решение за формирање на Комисија за статут и прописи;
6. Предлог-решение за формирање на Комисија за јавна безбедност, безбедност во сообраќајот и противпожарна заштита;
7. Предлог-решение за формирање на Комисија за еднакви можности;
8. Предлог-решение за формирање на привремена Комисија за изработка на Предлог-програмата за работа на Советот на општина Василево за 2022 година;
9. Предлог-одлука за определување на членови на Советот на општина Василево да учествуваат во постапката при склучување на бракови во општина Василево;
10. Предлог-решение за разрешување и именување на член на Училишниот одбор на ООУ „Гоце Делчев“, Василево;
11. Предлог-решение за разрешување и именување на член на Училишниот одбор на ООУ „Атанас Нивичански“, Нова Маала;
12. Предлог-решение за разрешување и именување на членови на Управниот одбор на ЈОУДГ „Прва радост“, Василево;
13. Донесување на Одлука по барање за финансиски средства поднесено од Илми Мустафов од с. Градашорци;
14. Измена на годишен план за вработување за 2021 година на ООУ „Гоце Делчев“, Василево;
15. Донесување на Одлука по барање за финансиски средства поднесено од Црковниот одбор на Св. Наум, с. Чанаклија;
16. Финансиски извештај на ЈП„Турија“ за трето тромесечие за 2021 година од 01.01.2021 до 30.09.2021 година;
17. Квартален извештај за извршување на Буџетот за 2021 година за периодот од 01.01.2021 до 30.09.2021 година (К-1);
18. Квартален извештај за доспеаните а неизмирени обврски на општина Василево за периодот од 01.01.2021 до 30.09.20121 година (К-2);
19. Квартален извештај за промените на состојбата на задолжувањето на општина Василево за периодот од 01.01.2021 до 30.09.2021 година (К-3);+
20. Донесување на одлука по барање за финансиски средства поднесено од Црковниот одбор од с. Добрашинци.

Седницата ќе се одржи во Спортската сала при ООУ „Гоце Делчев“, Василево, со почеток во 13,00 часот

Дневен ред

Екипа на ЈПКД „Турија“,  во рамки на своите работни активности, го чистеше отворениот атмосферски канал во населеното место Ангелци. Активноста се изведува на потегот кај селските гробишта во должина од околу стотина метри. Со механизација и рачно се отстранува наносот од тиња, кал и вегетација со што практично му се враќа функционалноста.

Увид во активноста изврши градоначалникот на општина Василево Славе Андонов.

ЈПКД „Турија“, Василево, по налог на општина Василево ја чистеше дивата депонија на влезот од населеното место Нова Маала. Увид во сработеното изврши градоначалникот на општина Василево Славе Андонов, кој упатува апел до граѓаните да се однесуваат одговорно и да не фрлаат отпад насекаде, бидејќи на тој начин се уништува животната средина и се трошат средства кои општината би ги искористила за  други намени во корист на граѓаните.

Општото добро и квалитетот на животот на граѓаните од сите населени места е врвен приоритет во работењето на општината.

Ристо Делијанов е новиот претседател на Советот на општина Василево, кој на првата конститутивна седница на Советот на општина Василево беше избран едногласно.

Делијанов им се заблагодари на своите колеги за поддршката и дадената доверба и вети дека ќе се залага  сите заедно да работат за доброто на граѓаните на општина Василево.

Мандатот на Советниците и изборот на Делијанов за претседател на општинскиот Совет им го честиташе и градоначалниот на општина Василево, Славе Андонов, кој им посака успешна работа и им вети дека Одлуките кои ги носат ќе бидат спроведени.

„Околу 12 години работев како секретар на Советот, работата ми е позната и кој има потреба од некој совет, без разлика што сум градоначалник, можеме да се консултираме, се во интерес да биде како што треба и сите одлуки, дај Боже да ги носиме како оваа денес, едногласно. Едно што сакам да Ви порачам е сите да бидеме на нивото на одговорноста што ни ја дал народот и посебен е моментот поради што тоа го барам бидејќи нашата општина е во катастрофална економска состојба оставена од претходната власт, поради тоа барам посебна одговорност и дисциплина од сите Вас, па и од мене, и со заеднички донесени одлуки да ја извадиме општината од состојбата во која се наоѓа“, им порача градоначалникот Андонов.

На оваа седница, беше формирана Комисија за верификација на мандатите, која ги верифукуваше мандатите на 15-те Советници, по што истите со давање и потпишување на свечената изјава се обврзаа дека ќе работат согласно законите и уставот во интерес на сите граѓани.

Согласно дневниот ред, на седницата  беше формирана и Комисијата за мандатни прашања, избори и именувања во чиј состав се: Блаже Коцев, Александра Мадевска, Живко Атанасов, Александар Митрев и Ристо Делијанов.

Во рамки на проектот „Подобрување на социјалните услуги“,  вчера во  Општинската организација на Црвен крст Струмица  одржан е координативен состанок во партнерство со општините Ново Село и Василево.

На состанокот учествуваа секретарот на Општинска организација Црвен крст Струмица, Маријана Тошева, координаторот на проектот, Менче Златинова, градоначалникот на Општина Ново Село Ѓорѓе Божинов и градоначалникот на Општина Василево, Славе Андонов.

Целта на состанокот беше разгледување на динамиката за имплементација на услугата помош и нега во домот како и преглед на досегашните спроведени активности.

Проектот ,,Подобрување на социјалните услуги“ е финансиран од Министерство за труд и социјална политика со дел од заемот на Светска банка.

На 18.11.2021 година, со почеток во 16.00 часот, Советот на општина Василево ќе ја одржи Конститутивната седница.
За работа на Седницата предложен е следниот дневен ред:
1.Предлог – Решение за избор на Претседател и членови на Верификациона комисија.

2. Предлог – Одлука за верификација на мандатот на членовите на Советот на Општина Василево;
3. Предлог – Одлука за прифаќање на дадената и потпишување свечена изјава на членовите во Советот на Oпштина Василево;
4. Предлог – Решение за избор на Претседател на Советот на Општина Василево;
5. Предлог – Решение за избор на Претседател и членови на Комисија за мандатни прашања, избори и именувања;

Седницата ќе се одржи во просториите на општинската зграда.