Author Archives: opstinaadmin

Започна изградбата на атмосферска канализација во с. Василево

1

Општина Василево започна со изградба на атмосферска канализација во населеното место Василево, на потегот од повеќенаменското игралиште до река Водочница односно до објектот на 11 Септември. Вкупната должина изнесува 956 метри, а буџетот, согласно Договорот со компанијата која ги изведува градежните активности на терен изнесува околу 4 400 000 денари, средства обезбедени од сопствени извори на приходи на општината.

Изведувач на градежните активности е компанијата Евроградба  од Владевци. Во текот на периодот на градба,  поради природата  на активностите и локацијата на трасата, а заради непречено одвивање на градежните активности, ќе се врши пренасочување на сообраќајот.

Имајќи го предвид крајниот бенефит од  реализацијата на овој проект за целокупното население на Василево а посебно на жителите кои живеат во овој дел  од селото, како  и влијанието врз животната средина во глобала, општина Василево како инвеститор очекува фер однос и разбирање од страна на засегнатите учесници во сообраќајот за цело време додека трае неговата реализација.

Согласно Договорот со изведувачот, периодот на изградба е 120 дена.

2

Kanal, povekenamensko igraliste - 11Septemvri

3

facebooktwittergoogle_plusredditpinterestlinkedinmail

Советот на општина Василево ја одржа 41-та седница

naslov

Денес Советот на општина Василево ги  разгледа и усвои Извештаите за работа на општина Василево за четвртиот квартал од 2020 година односно Квартален извештај за извршување на Буџетот (К-1), Квартален извештај за доспеаните а наизмирени обврски (К-2) и Кварталниот  извештај за промените на состојбата на задолжувањето на општината (К-3), сите за периодот од 01.01.2020 до 31.12.2020 година. Согласно образложението дадено од раководителот на одделението за финансии во општина Василево, Ристо Михаилов, реализацијата кај консолидираниот буџет во чиј состав се и буџетите на корисниците единки, т.е општинските основни училишта „Гоце Делчев“, Василево и „Атанас Нивичански“, Нова Маала и детската градинка „Прва радост“ Василево, е околу 81,5 %, додека кај основниот Буџет на општината реализацијата е 69,5%. Реализацијата кај блок дотациите е 69%, а кај кредитите и донациите 100%. Кај приходите, конкретно кај данокот на приход,  реализацијата е 75%, кај неданочните приходи 55%, кај капиталните приходи 56% а кај трансферите и донациите реализацијата е 68%. Што се однесува до расходниот дел, Михаилов информираше дека реализацијата е 40%, со образложение дека од вкупниот обрт на општината кој изнесува околу 86 800 000 денари, на капитални расходи отпаѓаат 50 500 000 денари. Усвоена беше и Предлог-одлуката за проширување на средствата  на Буџетот на општина Василево за 2021 година, која според образложението дадено од раководителот на одеелението за финасии, се однесува на дел од средствата на детската градинка и општинските училишта.

Советниците ја донесоа и Програмата за работа на Советот на општина Василево за тековната 2021 година како и   Извештај за реализацијата на Програмата за изградба, реконструкција, одржување и заштита на локалните патишта и улици  во општина Василево за 2020 година. На барање на црковниот одбор на црквата Св. Петка во Требичино,  одобрена беше  финансиска помош за нејзина реконструкција и реновирање.

Кало дополнување на дневниот ред на денешната седница  беше и Информацијата за изработка на интегриран план за локален развој на општина Василево за периодот 2021-2024 година.

 DSC_0440_1280x851

DSC_0443_1280x851

 

DSC_0449_1280x851

DSC_0451_1280x851 DSC_0456_1280x851

facebooktwittergoogle_plusredditpinterestlinkedinmail

Известување за пренасочување на сообраќајот поради изведување на градежни работи

3

Почитувани,

Ве известуваме,  дека поради изведување на градежни работи, изградба на атмосферска канализацијаво с. Василево, почнувајќи од денес, 29.01.2021 година па до целосно завршување на активностите, ќе се врши пренасочување на сообраќајот на улицата која води од повеќенаменското игралиште во  с. Василево до индустриската зона, односно до објектот на 11-ти Септември.

Во споменатиот период градежната компанија Евро-градба, ангажирана од инвеститорот општина Василево ќе врши градежни работи на трасата која се протега покрај споменатат улица. Заради непречено одвивање на градежните активности  и непречено одвивање на сообраќајот, трасата ќе биде одбележана а сообраќајот пренасочен со соодветна сообраќајна сигнализација.

Имајќи го предвид крајниот бенефит од реализацијата на овој проект, Општина Василево како инвеститор очекува фер однос и разбирање од страна на засегнатите учесници во сообраќајот за цело време додека трае  неговата   реализација.

 

Со почит,
Општина Василево

 

 

facebooktwittergoogle_plusredditpinterestlinkedinmail

Дневен ред за 41-ва седница на Советот на општина Василево

Sala na Sovet

На 29.01.2021 година (петок) со почеток во 12,00 часот Советот на општина Василево ќе ја одржи редовната 41-ва седница.

За работа на седницата предложен е следниот дневен ред:

  1. Квартален извештај за извршување на Буџетот за 2020 година за периодот од 01.01.2020 до 31.12.2020 година (К-1);
  2. Квартален извештај за доспеаните а наизмирени обврски на општина Василево за периодот од 01.01.2020 до 31.12.2020 година (К-2);
  3. Квартален извештај за промените на состојбата на задолжувањето на општина Василево за периодот од 01.01.2020 до 31.12.2020 година (К-3);
  4. Предлог-програма за работа на Советот на општина Василево за 2021 година;
  5. Предлог-одлука за проширување на средствата на Буџетот на општина Василево за 2021 година;
  6. Извештај за реализацијата на Програмата за изградба, реконструкција, одржување и заштита на локалните патишта и улици во општина Василево за 2020 година;
  7. Донесување на Одлука по Барањето за финасиски средства поднесено од Црковниот одбор   Св. Петка од с. Требичино.

Седницата ќе се одржи во просториите на Домот на културата во Василево.

facebooktwittergoogle_plusredditpinterestlinkedinmail

Апел за одговорно одбележувње на престојните настани

LOGO-Opstina-Vasilevo-horz

Општина Василево апелира до своите сограѓани за целосно почитување на сите мерки и препораки кои се однесуваат на спречување на ширење на Ковид пандемијата. Да бидеме одговорни, да го заштитиме сопственото и здравјето на нашите најблиски.

Ова, согласно укажувањата од Министерството за внатрешни работи посебно се однесува на забраната за собири и палење на огнови по повод верскиот празник Василица и масовното одбележување на празникот Богојавление –Водици.

Секое непочитување на препораките ќе биде соодветно санкционирано.

Министерството за внатрешни работи ги информира граѓаните дека кршењето на препораките за собирање може да го пријават на бесплатниот телефонски број 0800-00-201 и на меил адресата mvrinformaciiuslugi@moi.gov.mk.

Да бидеме одговорни, да ги почитуваме мерките и препораките кои произлегуваат од Законот за заштита на населението од заразни болести односно Одлуките кои ги носи Владата на Република Северна Македонија и на тој начин  да го заштитиме сопственото и здравјето на нашите најблиски.

facebooktwittergoogle_plusredditpinterestlinkedinmail

Известување од ЈПКД „Турија“ за водокрисниците од Василево, Ангелци, Градашорци и Едрениково

111

ЈПКД „Турија“ ги информира жителите од населените места Василево, Ангелци, Градашорци и Едрениково, кои со вода за пиење се снабдуваат преку филтер станицата на Ташли баир,  дека  поројните дождови од последните неколку денови предизвикаа разматување на водата во регионалниот систем за водоснабдување , поради што истата не е за употреба.

Тековно, нашите екипи работат на санирање на состојбата, која  очекуваме во текот на деновите од викендот да биде нормализирана и водата повторно да биде исправна за користење.

Ги молиме граѓаните да имаат разбирање за настаната состојба.

 

Со почит,
ЈПКД „Турија“,
Василево

 

facebooktwittergoogle_plusredditpinterestlinkedinmail

Божиќна честитка од градоначалникот на општина Василево

FVG_3932_1_1280x853

Почитувани верници од Православна вероисповед,

Од мое лично име и од име на општина Василево  Ви го честитам  големиот Христијански празник, Рождение Христово – Божиќ.

Деновите кога го славиме   раѓањето Христово,   посакувам позитивната мисла,  искрената намера и надежта за општото  добро да бидат ваши сопатници.

Многу здравје  на сите Вас и вашите најблиски.  Да сте ми  сите живи и здрави и да му се радуваме на животот.

Честит Божиќ,

Општина Василево,
Градоначалник
Марјан Јанев
facebooktwittergoogle_plusredditpinterestlinkedinmail

Да празнуваме одговорно

LOGO-Opstina-Vasilevo-horz

Почитувани сограѓани,

Месец јануари, традиционално е месец исполнет со  многу дружење, месец на многу  празници,  поминати со пријателите и роднините, месец на училишен распуст и повеќе време исполнето со заеднички средби и активности со поширок круг на луѓе.

Но овој јануари е поинаков од сите досегашни поради што и нашето однесување мора да биде поразлично. Во интерес на нашето и здравјето на нашите најблиски, во интерес на јавното здравје и успешната борба на здравствените работници во справувањето со коронавирусот, неопходно е почитување на сите здравствени протоколи.

Недозволиво  е  групно  прославување,  журки  и забави,  славење по дома,  во викендички или изнајмен простор. Сето тоа мора да го одложиме за некое идно, побезбедно време, кое само од нас и од нашето одговорно однесување зависи колку брзо ќе дојде. Затоа,  во овој период неопходно е да празнуваме одговорно.

Во насока на доследно и целосно почитување на уредбите на Владата на Република Северна Македонија, односно мерките и активностите за справување со пандемијата со коронавирус, Министерството за внатрешни работи ги информира граѓаните дека е ставен во функција бесплатниот телефонски број 0800-00-201  и меил адресата  mvrinformaciiuslugi@moi.gov.mk, на кои граѓаните анонимно можат да пријават групирање и организирано прославување во текот на претстојните празници.

Полицијата ќе постапи по пријавите и ќе преземе мерки во координација со јавното обвинителство за санкционирање на непочитувањето на мерките и препораките кои произлегуваат од Законот за заштита на населението од заразни болести односно Одлуките кои ги носи Владата на Република Северна Македонија.

Со почит,
општина Василево
facebooktwittergoogle_plusredditpinterestlinkedinmail

Новогодишна честитка од градоначалникот на општина Василево

FVG_3932_1_1280x853

Почитувани сограѓани

Во моментите кога ја испраќаме Старата 2020 година,  чест и задоволство ми е да Ви се обратам и да Ви ги упатам моите искрени желби за добро здравје, среќа и благосостојба  во годината што доаѓа и да изразам  надеж дека во секој поглед, на секое поле, 2021-та  подобра ќе биде.

Зад нас е година која во колективната меморија ќе биде запаметена по пандемијата предизвикана од Коронавирусот, Covid-19,  и нејзините последици врз се и секого. Година во која човештвото ја води најголемата и најзначајната битка во поновата историја; епска битка со сеуште до крај непознат непријател, битка за секој човечки живот. Ова е година во која наши херои се здравствените работници, а секој спасен човечки живот е неспоредливо поголем успех и од најголемите реализирани проекти.

И токму затоа мојата најголема желба за годината што доаѓа е добро здравје за сите; да бидеме сите здрави и живи, да ни се врати нормалното секојдневие  исполнето со мноштво предизвици кои го прават животот динамичен и исполнет со креативен неспокој.

Здравјето е двигателот на се останато. Оној импулс кој го раздвижува секојдневието, ги прави сите промени возможни, сите идеи реални, кој гради и ствара нови вредности за нашата благосостојба.

Токму затоа посакувам се што беше, грдо, лошо и  секоја лоша мисла да ги оставиме зад нас и со позитивна мисла, надеж  и верба дека  можеме да им се спротивставиме на лошите работи, како победници да зачекориме во Новата 2021 година.

Драги сограѓани, почитувани пријатели, од мое име и од име на општина Василево, Ви упатувам желби за здравје, бериќет и спокој во вашите  домови.

Среќна Нова 2021 година

Со почит,
Ваш градоначалник
facebooktwittergoogle_plusredditpinterestlinkedinmail