Владата на Република Северна Македонија донесе одлуки со кои:

- Од денеска, 27 мај, целосно престанува забраната за движење на територијата на Република Северна Македонија

- Од 28 мај отпочнуваат со работа угостителските објекти со тераса.

- Од 1 јуни ќе престанат да важат заклучоците со кои вработени лица се ослободени по различни основи од редовно и тековно извршување на работните активности

Одлуката ќе биде придружена со соодветен протокол за работа, додека отстапка од оваа одлука се хронично болните и родителите кои имаат деца на возраст до 10 години или деца на претшколска возраст.

Вирусот е уште тука, да бидеме внимателни и да ги почитуваме мерките кои што се на сила.

Градоначалникот на општина Василево Марјан Јанев по повод празникот Рамазан Бајрам, од свое лично име и од име на општина Василево, на припадниците од Муслиманска вероисповед им го честиташе празникот:

„На сите наши сограѓани, другари, колеги, пријатели од Муслиманска вероисповед им го честитаме празникот Рамазан Бајрам со желби за среќа, здравје и берикет во нивните семејства“,  им посака градоначалникот Јанев на своите сограѓани од Муслиманска вероисповед.

Почитувани сограѓани!

Општина Василево и Општинскиот кризен  штаб како надлежни субјекти  Ве информираат кои стопански субјекти, односно продавници и  маркети   ќе работат односно ќе бидат достапни за време на продолжениот полициски час за време на викендот.

По принципот на порачки по телефон и достава до домашна адреса  ќе работат следниве трговски  субјекти:

Со околу 4,9 милиони денари обезбедени од Советот за рамномерен регионален развој преку Центарот за развој на ЈИПР, општина Василево гради улица во индустриската зона. Улицата се протега помеѓу објектите на Тритерол и Евромак и е со должина од 231 метар и ширина од 6 метри.

„Стварањето услови за развој на локалната економија е еден од приоритетите на општина Василево чија примарна цел е подобрување на квалитетот и подигање на стандардите и условите за живот на сите граѓани. Индустриската зона во општина Василево е еден од генераторите на локалната економија а наша заложба и обврска како локална самоуправа е подобрување на условите за стопанисување, преку уредување на инфраструктурата“ изјави градоначалникот на општина Василево Марјан Јанев, кој информираше дека општина Василево, преку Центарот за развој на Југоисточниот плански регион успеа да обезбеди средства за изградба на една улица во индустриската зона, кон која гравитираат неколку стопански објекти кои повеќе години активно функционираат.
Јанев нагласи дека со изградбата на оваа улица директно ќе се подобрат условите за работа на постојните стопански субјекти и генерално во перспектива ќе се створи подобра клима за стопанисување и економски развој на општината.

Улицата ќе се асфалтира во текот на наредната недела.

Општина Василево денес асфалтираше улица во населеното место Добрашинци, лоцирана во т.н Турско маало Улицата е долга 240 метри и широка околу 3,5 метри. Како што изјави градоначалникот на општина Василево, Марјан Јанев кој присуствуваше на денешното асфалтирање, со асфалтирањето на оваа улица се решава еден децениски проблем за жителите од ова населено место.

Изградбата на оваа улица беше планирана со Програмата за изградба на локални патишта и улици во општина Василево за 2019 година, преку која беа обезбедни  и средствата. Улицата не беше реализирана во текот на минатата година, бидејќи поради непочитување на Договорот од страна на градежната компанија избрана на тендер како изведувач, следуваше нов јавен повик и избор на фирма изведувач поради што планираните рокови беа пролонгирани.

Средствата за изградба на улицата во висина од околу 1 350 000 денари се обезбедени од општинскиот Буџет.

Изведувач на градежните активности е компанијата „Евроградба – Инженеринг“.

Министерството за земјоделство, шумарство и водостопанство ги известува земјоделците кои не се евидентирани во Единствениот регистар на земјоделски стопанства (ЕРЗС), а кои во периодот додека трае забраната за движење во недела 24.05.2020 година и понеделник 25.05.2020 година,  имаат потреба за извршување на земјоделски активности надвор од атарот на своите населени места, неопходно е телефонски да ги известат Општинските кризни штабови во местото на живеење каде ќе ја најават потребата од дневна земјоделска активност.

Потребата за движење за време на викендот, неевидентираните земјоделци треба да ја најават во Кризните штабови, еден ден однапред најдоцна до 20 часот . При тоа треба да дефинираат точно време и место на извршување на земјоделските активности.

Напоменуваме дека Општинските кризни штабови нема да издаваат дозволи за движење, туку само ќе ги евидентираат земјоделците кои го пријавиле своето барање за непречено движење поради извршување земјоделски активности, а потоа списокот на лица ќе биде доставен до надлежните полициски организациски единици (Одделение, Станица, ОВР, СВР).

-Митко Јанев. 071/874-769
-Верче Миткова. 071/631-048
-Павлинка Николова. 077/543-814
-Наско Глигоров. 078/810-312
-Бранко Андонов 071/205/117
-Симона Стојанова. 077/931/587
-Горан Андонов. 071/239/344

Согласно мерките на Владата на Република Северна Македонија за дополнителните ограничувања на движењето, Кризниот штаб на општина Василево ги информира економските оператори (маркети и здравствени аптеки) на територијата на општина Василево, кои сакаат и имаат услови да работат за време на полицискиот час, да достават БАРАЊЕ до Кризниот штаб на општина Василево.

Барањето кое е составен дел на ова известување, пополнето, со потпис од одговорното лице и печат од фирмата треба да се достави до Oпштинскиот кризен штаб кој ќе врши прием во просториите на Општина Василево, на ден 23.05.2020 година (Сабота) од 11часот до 14 часот.

Економските оператори кои не се во можност барањето да го преземат од веб страната на општина Василево, истото може да го подигнат во просториите на општина Василево, на лице место да го пополнат и веднаш да го достават.

Дозволите за работа се издаваат веднаш по внесувањето на Барањето.

Работата на овие субјекти ќе биде исклучиво преку нарачки по телефон или интернет комуникација и достава на производите/продуктите до домот на граѓаните

Телефонските броеви и контактите на економските оператори кои ќе побарат и добијат дозвола за работа за време на полицискиот час ќе бидат објавени на официјалниот веб сајт на општина Василево и на општинската ФБ страна.

За сите дополнителни информации граѓаните може да се обратат на следните телефонски броеви:
070 598 748
071 874 769

Барање за дозвола за работа

На денешната Владина седница донесена е  одлука за зголемена рестрикција на движењето на граѓаните за време на претстојниот празничен викенд, односно за периодот од недела, 24.05. 2020 г.  до вторник, 26.05 2020 г.

Согласно Одлуката им се  забранува движењето на сите граѓани на целата територија на државата почнувајќи од недела, 24 мај, во 11,00 часот до вторник, 26 мај, до 05,00 часот.

Во сабота, на 23 мај, забраната за движење останува иста како и за сите други денови и ќе трае  од 19 часот до 05 часот наутро наредниот ден.

ЈПКД „Турија“, Василево ги известува сопствениците на стопански објекти во  индустриската зона Василево, кои ја користат услугата  „подигање на смет“,  дека сметот од нивните објекти, наместо во понеделник, ден во кој вообичаено се подига,  ќе биде подигнат во сабота на 23.05.2020 година.

Причината за ваквата промена  е поради тоа што понеделник, 25.05.2020 година е неработен ден.

Промената е еднократна и се однесува само за наведениот термин, што значи во иднина сметот од индустриската зона ќе се подига како и досега, во понеделник.

Кризниот штаб при Општина Василево апелира до граѓаните на Општина Василево , а особено до граѓаните на населеното место Градошорци да се воздржат од славење на верскиот празникот „Свети Никола” како селска и домашна слава. На тој начин   ќе го избегнат групирањето на лица (повеќе од две),  ќе се однесуваат одговорно и ќе ги почитуваат сите донесени мерки и препораки на Владата на РСМ и Министерството за здравство во поглед на спречување на ширењето на вирусот COVID-19 и за заштита на јавното здравје.

Од Општинскиот кризен штаб  оочекуваат разбирање од страна на граѓаните и порачуваат:Здравјето пред се!