По повод престојниот празник Петковден и масовната посета од страна на граѓаните на манастирот Св. Петка во населеното место Требичино, општина Василево, деновиве спроведе низа комунални активности во функција на подобрување на патната комуникација со Требичино и уредување на просторот околу манастирот, со цел да се подобрат условите за бројните посетители. Со механизација, отстранети се наносите и вегетацијата од крајпатниот појас, а со намена за паркинг, израмнета и уредена е поголема површина на која граѓаните-посетители на манастирот Св.Петка ќе може да ги паркираат своите автомобили
„Се изврши расчистување и рамнење на патот Едерниково – Требичино по повод престојниот празник Петковден. Во текот на изминатите денови се превземаа активности и за рамнење на нови површини за паркирање на возила во населеното место Требичино. Со граѓаните сме постојано во комуникација и согласно нашите можности, одговараме на нивните потреби“, по тој повод напиша на својот ФБ профил https://www.facebook.com/vasilevo24, градоначалникот на општина Василево Славе Андонов.
Активноста е спроведена во соработка со ЈПКД „Турија“, Василево.