Под мотото „Плати со детско творештво“, учениците од ООУ„Гоце Делчев“, Василево го одбележаа Светскиот ден на детската книжевност.
„Денес е втори април Светскиот ден на детската книжевност која со векови ги опседнува мислите на луѓето. За таа цел ние денес ќе се обидеме да направиме нешто поинакво од вообичаеното“ порачаа учениците од ООУ„Гоце Делчев“, Василево на денешното одбележување на Светскиот ден на детската книжевност.
Дваесет ученици, пред своите другарчиња и наставници ги прочитаа своите лични творби и со јазикот на поезијата, секој на свој начин, ги пренесе своите приказни, своите фантазии, своите доживувања за она што го исполнува нивниот детски свет.
Петте изработени книги –тетратки со детско творештво, како спој на поезијата и ликовната уметност, беа креативниот производ од оваа активност, кој децата го подарија или разменија на тој начин верификувајќи ја неговата вредност.
Градоначалникот на општина Василево ја имаше можноста да добие две од поетските тетратки, а за возврат им ја понуди својата поддршка во овој и во идните нивни проекти.
Воп врска со денешната активност, директорката на ООУ„Гоце Делчев“, Емилија Котеве, ја даде следнава изјава:
„Иницијативата на ученичкта заедница и нејзиниот координатор, Марија Вучкова-наставник по англиски јазик, за одбележување на светскиот ден на детската книжевност ја прифатив со задоволство. Во последно време се забележува дека учениците се повеќе се служат со литература од интернет. Тоа за мене беше дополнителен поттик да се афирмира детското книжевно творештво. Во рамките на одбележувањето на овој ден учениците од нашите училиште плаќаа со свои лични творби, а на општината, детската градинка комуналното претпријатие библиоктеката и амбулантата им беа подарени рачно изработени детски книги“.