Дечињата од градинката го одбележаа светскиот ден на храната

2014-10-16 10.14.28

Денес, дечињата од детската градинка „Прва радост“ во Василево, преку практична активност насловена „Упатство за здрава храна“ го одбележаа Светскиот ден на храната. Дечињата, во присуство на своите воспитувачи, во зеленчуковата градина која се наоѓа во дворот на градинката имаа активност на прибирање на есенските зеленчуци од кои готвачот во градинката ќе им приготви здрав и вкусен оброк.
„ Комбинацијата на здрава исхрана, одгледувањето на зеленчуци во своите органски градини и едукацијата за важноста на здравата исхрана за децата од градинката претставува еден интегриран пристап кој влијае на перцепцијата на децата и им дава можност да размислуваат и да уживаат во здрават храна. Од најмала возраст децата сакаат здрава храна кога таа е достапна на привлечен и забавен начин. Пристапот со кој им ја нудиме здравата храна на децата е многу важен како и самата едукација од најмала возраст. Кога децата се соодветно стимулирани, сите сетила им се вклучени. Децата многу полесно се охрабруваат да ја користат својата љубопитна природа за да се запознаат и да ја осознаат здравата храна а со тоа и да развијат здрави навики кои ќе им траат цел живот“ ни рекоа воспитачките од оваа детска градинка, во врска со денешната активност во која беа вклучени дечињата од големата група.

2014-10-16 10.15.38

2014-10-16 10.15.09

2014-10-16 10.14.20

2014-10-16 10.14.12

2014-10-16 10.13.01 2014-10-16 10.12.54

2014-10-16 10.19.55

facebooktwittergoogle_plusredditpinterestlinkedinmail