Учениците од двете основно општински училишта „Атанас Нивичански“ Нова Маала и „Гоце Делчев“, Василево и учениците од подрачни училишта во населените места, го одбележаа Светскиот ден на храната. Од храната подготвена и донесена од дома учениците во своите одделенија формираа трпези, каде потоа заедно ја дегустираа храната. Највесело беше на трпезата на првачиња каде сите заедно уживаа во вкусната храна.
Како што не информираа од училиштето, дел од преостаната храна ќе биде подарена на институциите и установите во општината а дел на социјално загрозените семејства.