Екипата на „Инел“ од Кавадарци се победници на годинешниот турнир во улична кошарка „Street basket-2017“- Владевци, што под покровителство на општина Василево, пета година по ред се одржува во населеното место Владевци. За второто место се изборија „Авто парк Ване“ од Владевци, третопласирани се „Книжарница 5+“ од Струмица а четвртопласирани – екипата на „Нипром“ исто така од Струмица.
На турнирот учествуваа вкупно десет екипи од повеќе места од Источна Македонија.
За најдобрите освен пехарите и медаљите обезбедени беа и парични награди и тоа 25 000 денари за првото место, 17 000 денари за второ место, 9 000 денари за трето место и 4 000 денари за четвртопласираните.
Натпреварите се играа на кошаркарското игралиште во с.Владевци.
Турнирот се одржува во деновите пред и после 28 –ми август, односно поврзан е со верскиот празник Голема Богородица кој се слави од сите жители на с. Владевци.