На последниот ден од 2020 година, Советот на општина Василево ќе го носи Буџетот за наредната 2021 година.

Последната седница за оваа година е закажана за 31.12.2020 година (четврток), со почеток во 11,00 часот. За работа на седницата предложен е следниот дневен ред:

1. Предлог-Буџет на општина Василево за 2021 година;
2. Предлог-Одлука за извршување на Буџетот на општина Василево за 2021 година;
3. Предлог-Одлука за утврдување на вредноста на бодот за платите на административните службеници за 2021 година;
4. Донесување на Одлука по Барањето поднесено од Црковниот одбор при црквата „Успение на Пресвета Богородица“ од с. Нова Маала.

Седницата ќе се одржи во просториите на Домот на културата во Василево.