Во населеното место Радичево, Општина Васаилево изврши насип и порамнување на неколку улици, а во центарот на селото поставени се основи за монтирање на осветлување – активности кои ќе придонесат за подобрување на условите за живот во ова населено место.
Градоначалникот на општината, Славе Андонов, преку социјалните мрежи https://www.facebook.com/vasilevo24, информираше за тековните, истовремено најавувајќи ги и планираните активности кои општината ќе ги реализира во периодот што следува. „Наредниот период ќе реализираме неколку проекти во населеното место Радичево. Наредниот месец ќе биде асфалтирана улица, а ќе се реконструира и школскиот двор во ова населено место. Општина Василево и понатаму ќе продолжи да ги подобрува условите за живот во сите населени места, согласно своите можности. За поубаво Василево“, напиша на својот ФБ профил, градоначалникот Андонов.





