„Секој ден нова промена. Моето ветување дека во Висока Маала нема да има неасфалтирана улица почнав да го исполнувам. Ветувањата кон граѓаните мора да се реализираат“, напиша на својот ФБ профил, https://www.facebook.com/vasilevo24 градоначалникот на општина Василево Славе Андонов, по неговата посета на Висока Маала викендов, каде присуствуваше на подготвителните активности за изградба на двете улици, планирани со Програмата за изградба и реконструкција на улици и патишта во општина Василево за 2022 година.
Согласно техничката документација, должината на улиците изнесува 70 и 23 метри, а ширината е во зависност од спецификите на теренот и изнесува 210 и 106 м2 асфалт.
Средствата во висина од 156 191 и 340 558 денари се обезбедениу од општинската каса
Изведувач на работите на терен е градежната компанија Бони интерградба.
„Продолжуваме со решавање на дециниските проблеми затоа што граѓаните заслужуваат подобра општина Василево. Задоволството на граѓаните е наш дополнителен мотив.
Заедно со граѓаните ќе ја направиме општина Василево модерна и развиена“, порача преку својата објава градоначалникот Андонов.