Синоќа, градоначалникот на општина Василево  беше на средба со сограѓаните во населеното место Пиперево, каде во рамки на планирањето на Буџетот на општина Василево разговарано е за приоритните активности и проекти за наредната 2026 година.
Доизградба на системот за фекална канализација во Пиперево, доизградба на главната улица и реконструкција на соблекувалната на фудбалското игралиште, се проектите предложени од  жителите на Пиперево, за кои сметаат дека треба да се обезбердат средства со Буџетот за наредната година и секако да бидат реализирани.
Информација и фотографии од средбата сподели и градоначалникот на општина Василево, Славе Андонов.  „Бевме во Пиперево, каде што повторно разговаравме отворено со жителите за приоритетите и потребите на селото. Секој предлог, секоја идеја и секоја забелешка се важни – затоа што буџетот го правиме транспарентно и заедно, онака како што заслужуваат нашите граѓани. Само така можеме да донесеме реални и правилни одлуки, насочени кон подобрување на квалитетот на живот и развој на целата општина. Продолжуваме со истата посветеност – близу до луѓето, заедно со луѓето“, стои во ФБ објавата на Градоначалникот, https://www.facebook.com/vasilevo24.
На средбата со жителите на Пиперево присуствуваа и Претседателот на општинскиот совет, Миле Митевски, директорот на АД Водостопанство-подружница Струмичко поле, Томе Спасов и директорот на АД за стопанисување станбен и деловен простор – Струмица, Зоран Трајков.