Градоначалникот на општина Василево, Славе Андонов, вчера во Струмица присуствуваше на настаните организирани во чест на Светите Петнаесет Тивериополски свештеномаченици, заштитници на градот Струмица.  Преку фотографии споделени на неговиот ФБ профил,  https://www.facebook.com/vasilevo24, Андонов сподели моменти од вчерашното чествување  на светителите кое се одвиваше во храмот Св. Петнаесет во Струмица.
„За многу години денешниот празник! Со почит го одбележуваме денот посветен на Светите Петнаесет Тивериополски Свештеномаченици. Нивниот светол подвиг и жртва нека бидат вечен потсетник на верата, силата и истрајноста. Нека нивните свети молитви ни принесат мир, здравје и благослов во нашите домови. За многу години и нека е благословен празникот’“, стои во пораката од градоначалникот Андонов упатена по повод вчерашниот празник, кој е и ден на општина Струмица, на чија свечена академија исто така на покана на градоначалникот на општина Струмица присуствуваше и градоначалникот на општина Василево Славе Андонов.