Градоначалникот на општина Василево, во Понтенуре, Р.Италија на манифестацијата „Македонски ден“

Градоначалникот на општина Василево, Славе Андонов, на покана на Здружението „Македонски корени“ од Понтенуре, Р.Италија, присуствуваше на манифестацијата „Македонски ден“, организирана во знак на пријателство меѓу збратимените  општина Василево и Понтенуре. Манифестацијата се организира за прв пат и  нејзината цел е заедничко претставување на традицијата, културата и фолклорот на двете општини, како мостови на пријателство и соработка.

Деталите за манифестацијата, како и целосното обраќање, преку својот ФБ профил, ги сподели градоначалникот Андонов, кој на почетокот од обраќањето им изрази благодарност за нивното присуство и поддршка на Заменик градоначалничката на општина Понтенуре и Претседателот на Советот на општина Пјаченца.

„Срдечни средби и радост што сме меѓу своите.  Историски ден за Македонците во Италија и општина Понтенуре. Македонците треба да се горди, за првпат добија своја културна манифестација ,,Македонски ден”,во организација на Здружението ,,Македонски корени ” и иницијаторите Антонио Петров и Лефтер Коцев, која се надевам ќе прерасне во традиција.

Македонската песна и македонската музика е таа која ја одржува врската помеѓу нашиот народ во дијаспората и родниот крај. Посебно сум горд што на оваа прекрасна манифестација настапија КУД ,,Сушевски Бисери”, нашиот најголем репрезент во Македонија но и пошироко! Нека овие средби бидат причина да ги обновиме пријателствата и дружбите помеѓу македонците овде и македонците ширум светот“, напиша градоначалникот Славе Андонов, кој во своето обраќање упати и посебна порака до Македонците во Италија, на кои им порача, да бидат единствени, сложни, да се почитуваат и да си помагаат едни со други“.

Општина Понтенуре е мала општина со многу сличности со општина Василево и со  околу 6.500 жители од кои голем дел се граѓани со потекло од општина Василево. Се наоѓа во провинцијата Пјаченца во италијанскиот регион Емилија-Ромања на околу 140 километри северозападно од Болоња.

Двете општини  актот за збратимување го потпишаа на свечена церемонија на 14.05.2023 година.

4_432x7681_1024x768 2_1024x768 6_1024x768

5_432x768 7_576x768

Facebooktwitterredditpinterestlinkedinmail