Општина Василево обезбеди 45 нови училишни столчиња за потребите на ООУ „Атанас Нивичански“, Нова Маала.
„Неделата ја почнавме на најдобар можен начин – со грижа за нашите најмлади и вложување во подобри услови за образование. Во ООУ „Атанас Нивичански“ Нова Маала, Општина Василево донираше нови ученички столчиња за две училници, со што значително се подобрува комфорноста и работната атмосфера на часовите. Дополнително, обезбеден е и нов клима уред“; стои во објавата на градоначалникот на општина Василево Славе Андонов, дополнета со видео  од примопредавањето на столчињата.
Со одлука на Советот на општина Василево, на седницата од 28.11.2024 година, стилчињата и еден клима уред исто така обезбеден од општината , им се даваат на трајно користење на училиштето.
Вложувањето во образованието од страна на општината како што нагласува градоначалникот Андонов е процес чиј континуитет ќе продолжи и во иднина.
„Со цел поттикнување на спортот и здравите навики, училиштето доби и 10 нови фудбалски топки за наставата по физичко образование. Но тука не застануваме. Продолжуваме со континуирани инвестиции во образованието – секој чекор, колку и да изгледа мал, е вложување во подобра иднина за нашите деца, стои во ФБ објавата на градоначалникот Андонов https://www.facebook.com/vasilevo24.