Во дворот на ПУ „Гоце Делчев“ во населеното место Владевци, тековно се спроведуваат активности на негово уредување, односно во изградба се две патеки кои водат од улицата до училишните влезови  „Се користи периодот на зимскиот распуст за да се изградат патеките до двата влеза на училишната зграда. Патеките ќе бидат изградени од бекатонски плочки и со нив  не само што ќе се нормализира пристапот до училишната зграда, туку и естетски се облагородува училишниот двор“, изјави градоначалникот на општина Василево Славе Андонов.

Според информацијата од изведувачот, двете бекатонски патеки се со вкупна површина од околу 85 м²  од кои едната, соодветно на условите на терен,   со улицата е поврзана со скали.

Средствата за оваа активност се обезбедени од училиштето, а изведувач е градежната компанија Бони интерградба.