Вчера, во организација на општина Василево, се одржа традиционалниот Марш до Варварица, настан со кој општината во соработка со Организацијата на Сојузот на борците од Струмица ја одбележа 79-годишнината од формирањето на Првиот околиски комитит на Народноослободителниот младински сојуз на Македонија и Првиот Народноослободителен одбор за Струмица и струмичко.

Пред спомен плочата во с. Варварица, која сведочи за настанот од 1944 година, беа положени букети цвеќе. По интонирањето на државната химна, прочитан е и реферат по што настанот продолжил со традиционалното дружење на присутните.