Вo среда, 04.02.2026 година, Општинската организација на Црвен крст-Струмица, во соработка и координација со општина Василево, организира крводарителска акција во Василево.
Акцијата ќе се спроведе во периодот од 09,00 до 14,00 часот, во просториите на општина Василево.
Организаторите упатуваат порака до граѓаните да се приклучат во акцијата и да ја покажат својата хуманост на дело.
„Дарувај крв. Дарувај шанса. Дарувај живот. Дојди и дарувај крв, спаси нечиј живот“, е пораката упатена од организаторот.
Граѓаните кои ќе даруваат крв со себе треба да понесат документ за лична идентификација. Дополнителни информаци може да се добијат на телефонскиот број: 070 382 229.