„Учениците од ООУ  „Гоце Делчев“ , Василево ќе можат да одржуваат настава на интерактивни табли. Со министерот за локална самоуправа Златко Перински, го посетивме ООУ” Гоце Делчев” каде се поставени интерактивни табли, кои нашите ученици ќе ги користат во својот образовен процес.  Учениците и наставниците од ООУ „Гоце Делчев“, во оваа учебна година ќе можат практично да ги користат бенефитите од современата технологија, кои несомнено ќе придонесат за поквалитетно одвивање на наставата и следствено на тоа постигање на подобри резултати.  Нашите деца се нашата иднина“, стои во ФБ објавата на градоначалникот на општина Василево, Славе Андонов, https://www.facebook.com/vasilevo24,  по посетата на ООУ „Гоце Делчев“, Василево  заедно со министерот за локална самоуправа Златко Перински.
Седумте интерактивни смарт табли кои веќе се ставени на користење на учениците и наставниците на ООУ „Гоце Делчев“, Василево, општината ги обезбеди преку Бирото за регионален развој (БРР) во рамки на проектот „Дигитализација на основното образование со помош на смарт табли. Буџетот за нивната набавка изнесува 689 500 денари. Овој проект е реалзиран во партнерство со Центарот за развој на Југоисточниот плански регион.
Очекувањата од нивното воведување во образовниот процес се  олеснување на наставниот просцес и   зголемен интерес кај учениците за наставните содржини што би резултирало со полесно совладување на планираните содржини и подобри резултати кај учениците.

На 10.09.2025 година (среда) со почеток во 20,00  часот, во просториите на Домот на културата во Василево, Советот на општина Василево ќе ја одржи 55-та седница. За работа на седницата предложен е следниот дневен ред:

1. Годишен план за вработување за 2026 година на општина Василево;
2. Годишна програма за работа на ЈОУДГ „Прва радост“, Василево за воспитната 2025/2026 година;
3. Годишен извештај за работата на ЈОУДГ „Прва радост“, Василево за воспитната 2024/2025 година;
4. Донесување на одлука за давање согласност на Годишен план за вработување за 2026 година на ЈОУДГ „Прва радост“, Василево;
5. Давање согласност на Одлуката на Управниот одбор на ЈОУДГ „Прва радост“, Василево за прием на повеќе или помалку деца во група;
6. Давање согласност на Одлуката на Управниот одбор на ЈОУДГ „Прва радост“, Василево за утврдување на почетокот и завршетокот на работното време на ЈОПУДГ „Прва радост“, Василево;
7. Давање согласност на Одлуката на Управниот одбор на ЈОУДГ „Прва радост“, Василево за утврдување на комисија за прием на повеќе деца од проектираниот капацитет на ЈОУДГ „Прва радост“, Василево и утврдување на поблиски критериуми за прием на деца;
8. Годишна програма за работа на ООУ „Атанас Нивичански“, Нова Маала за учебната 2025/2026 година;
9. Предлог-одлука за утврдување на места на кои е дозволено да се истакнат изборни плакати за локални избори 2025 година со обезбедени еднакви услови за сите организатори на изборната кампања во општина Василево.

Дневен ред

„Општина Василево преку ЦРЈИПР доби два проекти кои се финансирани со обезбедени средства од Министерството за локална самоуправа. Првиот проект е асфалтирање на улица во населеното место Пиперево и е во делот на подобрување на патната инфраструктура. Должината на улицата е околу 420 метри и истата е многу важна за ова населено место и население бидејќи води кон амбулантата и кон училиштето со што се подобруваат пристапот до здравствени и образовни услуги во ова населено место. Вториот проект е набавка на седум смарт табли кои ќе бидат користени и ќе имаат бенефит учениците и наставниците уште во текот на оваа година. Со тоа ќе се подобри  начинот на одвивање на наставата во училиштата,  учениците ќе имаат поголем интерес за следење на наставата,  а наставниците ќе го подобрат начинот на одржување на наставата, рече во својата изјава за медиумите градоначалникот Андонов, при посетата на регионот на Министерот за локална самоуправа Златко Перински.
Посетата на Министерот беше во рамки на Промо карванот во Југоисточниот плански регион – настан за промоција на проектите кои општина Василево ги имплементира  во соработка и партнерство со Центарот за развој на Југоисточниот плански регион и Министерството за локална самоуправа.
Станува збор за два проекти, Асфалтирање на улица во населеното место Пиперево кон амбулантата и поставување на седум интерактивни смарт табли во ООУ „Гоце Делчев“, Василево.
Улицата во населеното место Пиперево според податоците од техничката документација е со должина од 420 метри и ширина од околу 4,5 метри, односно 1930 м² асфалт. Вкупниот буџет изнесува 5 009 396 денари од кои 3 423 278 се обезбедени од Министерството за локална самоуправа – Биро за регионален развој преку Програмата за рамномерен регионален развој  за 2025 година, и 1 586 118 денари средства од Буџетот на општина Василево.
Буџетот за седумте интерактивни смарт табли кои се поставени во ООУ „Гоце Делчев“; Василево изнесува 689 500 денари, средства обезбедени преку Бирото за регионален развој (БРР) во рамки на проектот  „Дигитализација во основното образование со помош на смарт табли“.

Во населеното место Градашорци во тек се градежни активности на пет улици, чија изградба е планирана со годишната Програма за изградба, реконструкција и одржување на локални патишта и улици а средствтата се обезбедени  со Буџетот за 2025 година.
Во тек се земјени активности, по што ќе следува асфалтирање на истите. Увид во активностите изврши градоначалникот на општина Василево,  Славе Андонов, кој информацијата со детали за улиците ја сподели преку социјалните медиуми.
„Во Градошорци подготовка за асфалтирање на пет улици: улицата кај Ванчо Ристов; улицата кај сливите во Турско маало; улицата во Варваричка маала; улицата кај Трајчо Динчев и  улица пред каналот во Турското маало. Конечно после долги години очекувања на граѓаните, од оваа населено место овие улици ќе бидат целосно уредени“, стои во објавата на градоначалникот Андонов кој воедно го најави и континуитетот во изградбата на улици и во останатите населени места кои се планирано со Програмите за оваа година.
„Во наредниот период, ќе се асфалтираат улици во сите населени места во општина Василево! Го менуваме ликот на Општина Василево“, порачува Андонов.
Согласно податоците од техничката спецификација која е дел од тендерската документација и Договорот со компанијата изведувач, улиците во изградба во с. Градашорци се со вкупна должина од 606 метри односно површина од 1987 м² и буџет во износ од 3 115 855 денари, средства обезбедени од сопствените извори на приходи на општината.

„Убав ден со многу насмевки и нови другарчиња. Учебната година започна за сите првачиња во општина Василево. Општинските основни училишта ООУ „Гоце Делчев“ Василево и ООУ „Атанас Нивичански“ Нова Маала ја започнаа учебната година“, стои во ФБ објавата на градоначалникот на општина Василево, Славе Андонов, кој на првиот училишен ден ги поздрави и им посака добредојде на најмалите ученици во општина Василево.
„Драги првачиња, почитувани родители, наставници и гости. Денес е еден од најубавите и најсвечените денови – денот кога нашите најмлади ученици го започнуваат своето образование. Со голема чест и радост ви посакувам искрено добредојде во големото училишно семејство. Од денес започнува едно ново поглавје во вашиот живот. Ќе откривате нови светови, ќе учите букви и броеви, ќе стекнувате пријателства што ќе траат со години. Ви посакувам да чекорите низ училишните денови со радост, љубопитност и насмевка. Запомнете – училиштето ќе биде вашиот втор дом, а наставниците – вашите најголеми пријатели и водичи“, им порача градоначалникот Андонов, кој исто така им се обрати и на присутните родители:  Почитувани родители, овој ден е подеднакво важен и за вас. Гордоста и радоста што ги гледам во вашите очи се доказ дека заедно го правиме вистинскиот чекор – градиме генерации кои ќе ја носат иднината на Василево. Како општина, нашата мисија е да создадеме најдобри услови за раст и развој на секое дете. Затоа, со гордост можам да истакнам дека реализиравме значајни проекти и продолжуваме и понатаму да инвестираме во образованието. Веќе трета година по ред доделуваме парична поддршка за првачињата, во износ од 2.500 денари. Во екот на енормните поскапувања, кои пак посебно се изразени кај училишниот материјал и за кои секој родител треба да одвои огромна сума на пари, преку оваа конкретна мерка се погриживме овој најсреќен ден, да остане запаметен како таков и е наш начин да ја потврдиме грижата за секое семејство и да испратиме порака дека секое дете е подеднакво важно. Набавивме 7 смарт табли за да обезбедиме нова и интерактивна настава.  За децата – тоа значи поинтересно учење и поголема мотивација. За наставниците – тоа се современи алатки што го збогатуваат наставниот процес, го прават предавањето поефикасно и овозможуваат пристап до богати образовни ресурси“, нагласи градоначалникот Андонов, искрено посакувајќи им на сите многу здравје, успеси во учењето, другарување и незборавни училишни денови.

Градоначалникот на општина Василево Славе Андонов, во интервју за Курир.мк од позиција на актуелен градоначалник но и кандидат за втор мандат зборува за досега реализираните проекти но и за  идните со кои би продолжил континуитетот во развојот на општината,  https://kurir.mk/vesti/makedonija/intervju-so-slave-andonov-gradonachalnik-na-opshtina-vasilevo/?fbclid=IwY2xjawMiGQ5leHRuA2FlbQIxMQBicmlkETFLcGdLUE5Wa2ozaXFyTW42AR6Ts4ayI3OF8KKA4emaKrZjZ-lw6P7M6MgO0cnQP-78ebqPpD-xr4o9TqgCeA_aem_24OFph8HUpIhlK1M2TUgEQ
На кандидатурата за втор мандат гледа како на чест и признание за досега реализираното но и одговорност кон граѓаните на општина Василево да се продолжи континуираниот развој: „Досегашната работа ми беше показател дека довербата на граѓаните се заслужува само со конкретни резултати, чесност и посветеност. Номинацијата ја доживувам како потврда дека нашата работа се гледа и вреднува, но и како обврска да продолжиме уште посилно во насока на развој и унапредување на животот во секое населено место од општината“, вели Андонов.
Средбите со граѓаните ги потенцира како најголем извор на идеи и предлози и затоа упатува повик до граѓаните да продолжат со давање  предлози бидејќи тие се основата за градење на општина по мерка на граѓаните.
„Секој предлог внимателно го разгледуваме и каде што има можности, истиот го преточуваме во проекти за општината. Сакам да упатам и повик до сите жители на општина Василево – продолжете активно да учествувате, доставувајте ги вашите предлози и идеи на отворените средби што редовно ги организираме. Вашите иницијативи се темелот врз кој ја градиме програмата за развој, затоа што само заедно можеме да изградиме општина по наша мерка – модерна, уредена и подобра за живеење“.
Осврнувајќи се посебно на проектите кои ќе се реализираат со средства обезбедени од Владата на РМакедонија, во рамки на Јавниот повик објавен од страна на Министерството за локална самоуправа, Андонов потенцира дека граѓаните во пракса ќе ја видат заложбата  Василево да стане модерна и инфраструктурно развиена општина. Се работи за пет проекти од комуналната и патната инфраструктура чие реализирање ќе значи квалитетно подобрување на секојдневните услови за живеење.
„Најважно е да обезбедиме квалитетна инфраструктура, чиста и уредена животна средина и услови за економски развој. Тоа значи подобри патишта, современи јавни услуги, поддршка за земјоделството, но и за мали и средни бизниси. Мојата визија е Василево да биде модерна, функционална општина која ќе обезбеди подобри услови за живот, работа и образование за секој граѓанин“ вели Андонов потенцирајќи ги своите заложби за иднината на општина Василево, притоа ставајќи и посебен акцент на транспарентното работење како еден клучен аспект во неговото секојдневно работење.
„Транспарентноста е еден од клучните столбови на моето работење како градоначалник. Транспарентноста е суштински елемент на ефикасното и домаќинско работење, а истовремено создава доверба меѓу институциите и граѓаните“, вели Адонов со ветување дека и во следниот  мандат   ќе продолжи со уште поголема посветеност, бидејќи како што нагласува: „Само со целосна отчетност и отвореност можеме да ја зајакнеме довербата и да изградиме стабилна основа за уште поголем развој на нашата општина“.

Вчера, заврши Меморијалниот турнур во фудбал „Трајчо Петров“ , кој се одржа во чест и спомен на спортскиот работник Трајчо Петров од Василево.
Натпреварите се играа на големото фудбалско игралиште во Василево. Во трите натпреварувачки денови силите ги одмерија младите фудбалери од повеќе фудбалски клубови од Василево  и соседните општини од генерациите 2013, 2014, 2015, 2016 и 2017 година.
Во генерација 2013 најдобри беа: ФК Таленти од Василево, второ пласирани ФК Детонит Плачковица, Радовиш, трето пласирани ФК Либра Кидс Валандово, а на четвртата позиција ФК Беласица од Струмица.
Кај Генерација 2014,  за првото место се изборија ФК „Џокер“, второ – ФК Детонит Плачковица, Радовиш,  трето  – ФК Нови таленти и ФК Либра кидс Валандов на четвртото место.
Кај Генерација 2015, кои играа во вториот натпреварувачки ден, најдобри беа ФК Детони, Плачковица од Радовиш,второпласитани – ФК Нови таленти, трето плацирани – ФК АП Брера Струмица и на четвртото место ФК Единство од Пиперево.
Најдобри во генерација 2016 беа ФК Беласица, Струмица, второпласирани ФК Либра Кидс Валандово, третопласирани – ФК Детонит Плачковица Радовиш и четвртопласирани Фудбалска Академија Христов.
Кај Генерациија 2017 кои се натпреваруваа последниот натпреварувачки ден, најдобри беа ФК Либра Кидс Валандово, второпласирани – ФК Детонит Плачковица Радовиш, третопласирани – Фудбалска Академија Христов и ФК Јанг Боис Неготино на четвртото место.
Покровители на Турнирот кој се одржува втора година по ред  се фамилија Петрови, Фудбалска академија Христов – Нови таленти и општина Василево, која со Одлука на Советот обезбеди финансиска поддршка за негово одржување.

Синоќа, 24.08.2025 година, во населеното место Нова Маала, на платото пред Домот на културата   се одржа културно-забавен настан,  Народна игранка со македонски народни песни.   Повод е големиот христијански празник Голема Богородица, кој е црковна и селска слава на жителите од ова населено место. Ноќта спроти празникот, среда,  28.08.2025 г. со почеток во 21 часот ќе се одржи централната манифестација со Мирослав Мирчевски и групата „Грациозо“, а со сплет од свои културно уметнички изведби ќе настапат и КУД „Бежанци“, Нова Маала и КУД „Свети Кирил и Методиј“ од Иловица.
Информација  со видео од синоќешната Народна игранка, на својот ФБ профил,  https://www.facebook.com/vasilevo24/videos/1130438698972381, сподели градоначалникот на општина Василево, Славе Андонов.
Финансиска поддршка за Манифестацијата, која се одржува за прв пат, овозможи Советот на општина Василево на една од своите седници, со едногласна одлука, изразувајќи го на тој начин и ставот на општината во делот на поддршката на културата и негувањето на традицијата на своите сограѓани.

Денес, 22.08.2025 година со почеток во 16,30 часот, во Василево започнува Меморијалниот турнир Трајчо Петров, кој се одржува во спомен на Трајчо Петров, вљубеник во спортот и спортски работник од с. Василево. Според најавата од организаторот, https://www.facebook.com/profile.php?id=61564658577045, денес на големото фудбалско игралиште во Василево ќе се надигруваат младите фудбалери од генерација 2016 година од фудбалските клубови: ФК Libra kids,Фудбалска академија Христов, ФК Детонит Плачковица и ФК Беласица како и фудбалерите од генерација 2013 од ФК Libra kids, ФК Нови таленти, ФК Детонит Плачковица и ФК Беласица.
Турнирот се одржува втора година по ред. Покровители се општина Василево, фамилија Петрови и Фудбалска академија Христов – Нови таленти.
Финансиска поддршка обезбеди Советот на општина Василево со едногласна одлука на една од своите седници со што советниците го изразија својот став во врска со поддршка и негување на спортот и спортските активности на локално ниво.

Во населеното место Нова Маала во тек се интензивни градежни активности на неколку локации. Според информацијата споделена од градоначалникот на општина Василево, Славе Андонов, https://www.facebook.com/vasilevo24, на пет улици во тек се подготвителни активности за нивно асфалтирање н
„Во Нова Маала подготовка за асфалтирање на пет улици: улицата кај Лазо Коцев; улицата покрај мултифункционалниот центар; улицата кај Ташкн Османов; улицата кон помпите“, стои во објавата на градоначалникот, каде исто така го најавува и асфалтирањето на улицата до гробиштата во Нова Маала.
„По завршување на тендерската постапка ќе се асфалтира и улицата до гробиштата во Нова Маала. Конечно после долги години очекувања на граѓаните, од оваа населено место овие улици ќе бидат целосно уредени. Во наредниот период, ќе се асфалтираат улици во сите населени места во општина Василево! Го менуваме ликот на Општина Василево“, информира Андонов.
Средствата за оваие активности се обезбедени од сопствени извори на приходи на општината, планирани со Буџетот за 2025 година.