На синоќа одржана шеста форумска сесија со која се заокружи Буџетскиот форум што општина Василево  го реализираше со поддршка на Швајцарската агенција за развој и соработка(SDC) и Единицата за координација на форумите,  по презентацијата од страна на градоначалникот на општина Василево г-дин Ванчо Стојанов,  граѓаните со аплауз го изразија своето задоволство од степенот на реализираните приоритети.

Од вкупно 30 проекти кои како  приоритети за реализација му беа предложени на градоначалникот, во изминатиот период 6 се целосно реализирани, кај 17 реализацијата е во тек, два се делумно реализирани, а реализацијата не е започната кај 5 од предложените.

Од листата на проектите, вкупно 28 на број,  кои како препораки за реализација му беа доставени на градоначалникот, реализирани се 8 а три се во фаза на реализација. Меѓутоа во изминатиот период општина Василево има реализирано и проекти кои не беа предложени на форумските сесии но кои како што рече градоначалникот на општина Василево,  се побарани од граѓаните на средбите што редовно се одржуваат со граѓаните во нивните населени места.

„ Буџетскиот форум, односно учеството на граѓаните во носењето на Буџетот е еден демократски чин каде сите граѓани учествуваат во неговото креирање односно предлагањето на приоритетните проекти кои општина Василево треба да ги реализира во наредната година. Праксата на општина Василево беше таква и во изминатиот период меѓутоа во една подруга форма. Разликата е во тоа што градоначалникот и администрацијата одеа во сите населени места каде граѓаните ги кажуваа своите предлози. Со ваквиот процес преку форумските сесии сите граѓани од сите населени места имаа можност да се сретнат на едно место и да ги согледат проблемите и потребите на сите населени места и да го увидат фактот дека  во сите населени места има конкретни потреби кои се приоритетни и на „заедничка маса“ да се одлучи за приоритетите во рамки на општината. Сметам дека ова беше најтранспарентен начин на донесување на Буџетот и приоритетните проекти за општина Василево, па истото ќе продолжиме да го правиме и во наредниот период бидејќи оваа завршна форумска сесија за нас воедно претставува и прва за донесувањето на Буџетот на општина Василево за 2017 година“ изјави  градоначалникот на општина Василево г-дин Ванчо Стојанов, по завршувањето на шестата форумска сесија со која се заокружија активностите од Буџетскиот форум.

Во знак на благодарност за успешната и долгогодишна соработка, а по повод 25- годишнината од своето работење, ТВ Канал ВИС одс Струмица и додели благодарница на општина Василево.

„Како резултат на нашата успешна соработка и Вашето објективно информирање, граѓаните на општина Василево и пошироко секогаш, брзо и навремено дознаваат за сите случувања и актуелности во нашата општина“ –рече меѓу другото градоначалникот на општина Василево г-дин Ванчо Стојанов, заблагодарувајќи се на овој обав гест на внимание од страна на оваа телевизија чиј сигнал зрачи во регионот. Соработката како што нагласи Стојанов, во интерес на навремено информирање на граѓаните,  ќе продолжи и во иднина.

Вработените во локалната самоуправа, комуналното претпријатие и образованието, во саботата се вклучија во еколошката акција „Македонија без отпад 2016“ .

Се собираше отпадот на неколку локации и тоа на просторот во и околу училиштето „Гоце Делчев“ во Василево, во дворот на локалната самоуправа, просторот околу ЈПКД „Турија“ и дивата депонија покрај  локалниот пат Василево – Пиперево.

Вклучувањето во оваа акција  е во насока на подигање на свеста на граѓаните за значењето на животната средина и показател дека сите заедно можеме многу да направиме за нејзиното зачувување, рече градоначалникот на општина Василево г-дин Ванчо Стојанов кој учествуваше во саботната еколошка акција.

Општина Василево ги поканува своите сограѓани, да земат учество во работата на шестата (последна) форумска сесија од Буџетскиот форум која ќе се одржи во  вторник, 04.10.2016 година, со почеток во 18,00 часот, во хотелот Мис Стон.

Според предложениот дневен ред на сесијата ќе се презентираат резултатите од форумскиот процес а свое обраќање ќе има и градоначалникот на општината, г-дин Ванчо Стојанов.

Буџетскиот форум се спроведува во рамки на Програмата „Форуми во заедницата“ со поддршка на Швајцарската агенција за развој и соработка(SDC) и Единицата за координација на форумите.

Од вчера учениците во ООУ „Гоце Делчев“ во Василево ќе пишуваат на новите училишни табли кои деновиве беа набавени и монтирани. Според информацијата од директорката на училиштето г-ѓа Емилија Котева, деновиве направена е замена на дел од старите со нови училишни табли. Конкретно се работи за промена на 12 училишни табли кои се монтирани во училниците во централното училиште во Василево. Таблите се купени со средства од Буџетот на училиштето.

Санацијата на селските патишта и улица во општина Василево продолжува. Деновиве се крпеа дупките на патот Градошорци и Ангелци кој е дел од региналниот пат Градошорци –Вељуса.  „Пополнувањето на дупките со асфалт ќе ја  подобри  состојбата на овој пат чија фреквентност и оптеретеност, пред се поради неговиот регионален карактер е голема. Резултат на тоа се  големи оштетувања по целата должина на коловозот кои претставуваат опасност за безбедно одвивање на сообраќајот“ рече градоначалникот на општина Василево, г-дин Ванчо Стојанов во врска со крпењето на дупките на овој пат.

Активноста ја изведуваа екипи на Македонија пат.

Општина Василево е трето рангирана во однос на транспарентноста на ниво на регион – покажуваат резултатите од истражувањето за транспарентноста на општините што ги објави Центарот за граѓански комуникации. Истражувањата кои Центарот ги направи  се однесуваат на тоа колку општините даваат информации за своето работење на сопствена иницијатива, без тоа да биде побарано од нив. Главно,  предмет на истражувањето било дали и колку локалните сампоуправи нудат информации за услугите и надлежностите на општината, за финансиската и буџетската транспарентност, за пристапот до информации од јавен карактер како и информации за специфичните надлежности на општините. Според овие критериуми, со индекс од 74,6% општина Василево е на третото место во Југоисточниот регион и на осмото место на ниво на држава.

Овие резултати се потврда на транспарентното работење што општината и праксата сите  информации битни за јавноста општината, преку својата веб страница www.opstinavasilevo.gov.mk самоиницијативно и навремено да ги споделува со јавноста.

ЈПКД „Турија“ од Василево, за потребите на своето работење, набави камион за собирање на смет.

„Причината за набавката на овој камион за собирање смет од домаќинствата е од два аспекти: првиот аспект е дека нашето комунално претпријатие успешно функционира и е во можност да набави механизација за своето тековно работење, а вториот аспект е потребата на граѓаните,  искажана на средби со нив сметот да се собира од сите домаќинства на територијата на општина Василево.“, изјави градоначалникот на општина Василево г-дин Ванчо Стојанов при денешната негова посета на ЈПКД „Турија“.

Новиот камионот е со капацитет од 12 м³ , и е речиси двојно поголем од оној со кој досега се работеше во ова претпријатие.

Заради ограничените ресурси, односно имањето само на еден камион и еден трактор, комуналното претпријатие не е во можност да им понуди договор за оваа услуга на сите домаќинства од општина Василево. Со набавката на новиот камион оваа состојба ќе се подобри и ЈПКД „Турија“ ќе може на поголем број домаќинства да им го подига сметот.

„Наша интенција е да опслужуваме поголем број на граѓани, а со набавката на овој камион се надевам дека ќе успееме во намерите, – нагласи градоначалникот Стојанов.

Средствата за набавка на овој камион изнесуваат околу 20 000 евра и истите се обезбедени од сопствените приходи на ова претпријатие.

Во четврток, 29.09.2016 год. со почеток во 12,00 часот, Советот на општина Василево ќе ја одржи редовната 44-та седница. За работа на Седницата предложен е следниот дневен ред:

1. Измени и дополнувања (Ребаланс) на Буџетот на општина Василево.
2. Годишен извештај за работа на ЈОУДГ „Прва радост“, Василево за учебната 2015/2016 год.
3. Годишен извештај за работата на ООУ„Гоце Делчев“, Василево за учебната 2015/2016 год.
4. Годишен извештај за работата на ООУ„Атанас Нивичански“, Нова Маала за учебната 2015/2016 год.
5. Годишна програма за работата на ООУ„Гоце Делчев“, Василево за учебната 2016/2017 год.
6. Годишна програма за работата на ООУ„Атанас Нивичански“, Нова Маала за учебната 2016/2017 год.
7. Годишна програма за работата на ЈОУДГ „Прва радост“, Василево за учебната 2016/2017 год.
8. Донесување на Одлука по Барањето поднесено од Македонска православна црква – Охридска епархија – парохија Василевска.

Седницата ќе се одржи во просториите на Домот на културата во Василево.