Градоначалникот на општина Василево Славе Андонов, вчера присуствуваше на свечениот настан по повод одбележувањето на една година од отварањето на Open House,Струмица, на кој присуствуваа Делегација од Европската Унија  во РСМакедонија предводена од амбасадорот Дејвид Гир,  амбасадорката на Германија, Анке Холштајн, амбасадорката на Хрватска Нивес Тигањ, Амбасадорот на Словенија Милан Предан и заменик амбасадорот на Бугарија, Димитар Карастојанов како и градоначалниците од Југоисточниот плански регион.

Како што информира градоначалникот Андонов, со амбасадорот Гир разговарале за предизвиците со кои се соочува општина Василево.

„Со амбасадорот Гир разговаравме за предизвиците со кои се соочува општина Василево“, напиша меѓу другото на својот ФБ профил, градоначалникот на општина Василево Славе Андонов, по средбата со амбасадорот Гир остварена на одбележувањето на годишнината од отварањето на Europe House во Струмица.

Europe House, Струмица е основана  од Делегацијата на Европската унија во РСМакедонија  со цел да се привлече младинскиот сектор,  да се стимулираат иновации  и да служи како собиралиште каде младите креативци ќе промовираат европски вредности.