„Вечерва остварив средба со граѓаните на Едерниково. Нивните барања се наши приоритети. Општина Василево по повод празникот Ѓурѓовден со свој придонес ќе помогне во организацијата на прославата во црквата св. Ѓорги“, објави на својот ФБ профил, градоначалникот на општина Василево Славе Андонов по синоќешната средба со жителите на населеното место Едрениково. Средбата на која присуствуваа голем број граѓани се одржа на нивно барање, со примарна цел да се потврди поддршката од страна на општина Василево во одбележувањето на верскиот празник Ѓурѓовден, кој воедно е и селска слава во ова населено место.