Градоначалникот на општина Василево Славе Андонов, денес беше во населеното место Висока Маала, каде изврши увид на штотуку изградената улица. „Изградбата на оваа улица е доказ и пример за успешна соработка меѓу месното население и локалната самоуправа“, изјави градоначалникот на општина Василево по денешната посета на населеното место Висока Маала, каде заедно со граѓаните прошета по новоизградената улица.

Жителите на населеното место Висока Маала, до Советот на општина Василево, на последната седница,  имаа поднесено барање за материјал, односно цемент за изградба една од селските улици. Барањето беше одобрено и експресно реализирано од страна на општината.

„Со бетонирањето на оваа улица, решен е проблем од суштинско значење за жителите на Висока Маала. Соработката е клучна за успешно решавање на сите проблеми, а општина Василево и во иднина,  секогаш кога за тоа ќе има услови,  ќе продолжи да го практикува ваквиот начин на работа, изјави  градоначалникот на општина Василево, Славе Андонов.