Денес, кик боксерот Пепи Велков го посети градоначалникот на општина Василево Славе Андонов за, како што рече, да му се заблагодари за поддршката што неодамна ја доби од него и да  ја сподели радоста од победата во Хам Германија, каде го освои појасот „Hammer Figt Night“. Ова е резултат на напорните тренинзи, континуитетот и посветеноста кон овој спорт. Кога се има цел, и упорно се работи,  резултатите се постигнуваат“, изјави Велков.

„Се радувам на успехот на Пепи. Поддршка ќе има и во иднина. Како градоначалник и општина секогаш ќе бидеме на страната на спортот. Спортистите се нашите најдобри промотори“, рече градоначалникот  Андонов.

Појасот „Hammer Figt Night“, Велков го освои на неодамна одржаниот интернационален натпревар што се одржа во Хам, Германија, каде во дисциплината ЛОУ-КИК, во категоријата до 68 кг. победи на поени со 2:1.