Општина Василево, денес, на терен стартуваше со градежните активности за реконструкција на локалниот пат  од крстосница со пат кон брана Турија до центарот на населеното место Добрашинци. Станува збор за целосна реконструкција на овој локален пат која опфаќа отстранување на стариот асфалт, подготовка на подлогата, насипување, тампонирање  и асфалтирање со нов асфалтен слој со дебелина од 8 см.

Вкупната должина изнесува 1320 метри, а ширината околу 6 метри.

Буџетот за реализација на овој проект изнесува околу 16 000 000 денари, средства обезбедени преку Министерството за транспорт и врски како грант од Светска банка во рамки на Проектот за поврзување на локални патишта.

Рокот за изведба на овој локален пат е 6 месеци.