Општина Василево денес изврши уплата на средства на земјоделците од населените места  Добрашинци, Нова Маала и Висока Маала, кои претрпеа штети од невремето што го зафати  овој крај во јуни 2019 година. На сметките на 1 правно и 121 физичко лице, кои имаа пријавено и утврдено штета,  уплатени се 3.741.450 денари ( три милиони седумстотини четириесет и една илјада и четиристотини педесет денари).

На седницата на Владата на Република Северна Македонија одржана на 10 февруари 2020 година донесена  е Одлука за одобрување на средства од резервите на Буџетот на Република Северна Македонија за 2020 година. Со оваа Одлука на Општина Василево и се доделени финансиски средства во висина од 3.741.450 денари. Овие средства се наменети како парична помош на Општина Василево, согласно Информацијата на Комисијата за проценки и утврдување на висината на штетата од елементарни непогоди и Извадокот од Нацрт-записникот од Седмата седница на Владата на РСМ одржана на 10 февруари 2020 година.

Денес уплатените средства, граѓаните  може да ги очекуваат на своите сметки во  понеделник после 14.00 часот.