Градоначалникот на општина Василево Марјан Јанев,  изјави дека  за месеците април и мај, ќе земе минимална плата а остатокот ќе го уплати во Државниот фоннд за помош.

„ЈАС СУМ ПРОТИВ ОДЛУКАТА НА УСТАВЕН, ЌЕ ЗЕМАМ МИНИМАЛЕЦ А РАЗЛИКАТА ЌЕ ЈА УПЛАТАМ ВО ДРЖАВНИОТ ФОНД ЗА ПОМОШ

Како градоначалник на општина Василево,  Марјан Јанев,  не се согласувам со донесената одлука на Уставен да се укине владината уредба – функционерите, пратениците, обвинителите, судиите за април и мај да земаат плата од 14 500 денари. Во време кога цел свет се бори со пандемијата предизвикана од КОВИД -19 и сите повикуваме на солидарност и помош, одлуката на Уставен ја сметам за ПРИСТРАСНА, НЕЧОВЕЧКА, НЕСОЛИДАРНА. Затоа сакам да ја информирам јавноста дека поради лична желба, лична одговорност и солидарност во овие моменти, за месеците април и мај ќе земам плата од 14 500 денари додека остатокот односно останатите средства до целиот износ на мојата нето плата ќе ги уплатам во Државниот фонд за помагање на граѓаните и фирмите со цел заеднички да ја пребродиме ова криза. Сметам дека сите треба да покажеме солидарност во овие мигови и да ги оставиме личните интереси бидејки станува збор за два месеци . Затоа упатувам апел до сите носители на јавни функции да бидат солидарни и индивидуално да дадеме придонес против ова ситуација и што побрзо да излеземе од кризата….