Денес, во Василево, Локалниот совет за превенција одржа координативен состанок на кој главна тема беше можноста од појава нашумски пожари во овој период од годината . Учесниците на состанокот – претставници од општината, од ЈПКД„Турија“,Василево, СВР Струмица, Центарот за управување соо кризи, Дирекцијата за заштита и спасување, ПСШ „Беласица“-Струмица и претставници од Противпожарната служба во Струмица, главно дискутираа за начините на заедничко превентивно дејствување на сите надлежни институции во слуќај на пожар како и за мерките за превенција како не би дошло до вакви состојби.
Во изјавата за медиумите, градоначалникот на општина Василево г-дин Ванчо Стојанов ја нагласи улогата и значењето на Локалниот Совет за превенција преку кој општината може да интервенира и да ги презема сите неопходни активности за заштита и спасување во случај на пожар или друг вид на непогоди.

„Превенцијата е еден од најбитните начини на дејствување, бидејќи најдобро е навреме да се спречат одредени состојби, а не отпосле да се пресметуваат предизвиканите штети независно дали се предизвикани од човечко невнимание или се последица на природни непогоди“, истакна градоначланикот на општина Василево, г-дин Ванчо Стојанов.