Сите предлози од дневниот ред на денешната 37-ма редовна седница, беа усвоени од страна на советниците. Освен полугодишните извештаи на двете основни општински училишта „Гоце Делчев“ и „Атанас Нивичански“ кои беа донесени со 10 гласови „за“, советниците беа едногласни за останатите предлози. Без забелешки и дискусии беа донесени: Годишнниот план за обуки на административните службеници од општина Василево за 2016 год., Одлуката за отпис и расходување на основни средства и ситен инвентар сопственост на општина Василево, Одлуката за утврдување на надворешен член на Комисијата за давање мислење на нацрт планови на општина Василево и утврдување надомест за истиот, каде за надворешен член беше избран Иван Делев – дипломиран инженер архитект од Струмица, како и неколку барања за финансиска помош поднесени од физички и правни лица. Едногласно и без дискусии беа донесени и четирите предлози кои беа прифатени како дополнителни точки на дневниот ред. Советот и одобри прием на повеќе деца од проектираниот капацитет на градинката „Прва радост“ во Василево, а на пингпонгарскиот клуб „Астраион спорт плус“ на подолг временски период му ја даде на користење соблекувалната во Ангелци заради одржување тренинзи на неговите членови – лица со телесен инвалидитет. Исто така беа донесени и две одлуки за утврдување на потребата од донесување на урбанистичлко-планска документација за проширување на планскиот опфат заради вклопување на бесправно изградени објекти.
Предлог-Програмата за работа во областа на располагањето со градежно земјиште сопственост на РМ на подрачјето на општина Василево за 2016 година беше единствената точка од дневниот ред која предизвика дискусии, а истата се однесува на подготвеноста на општина Василево за преземање на ингеренциите во областа на државното градежно земјиште во атарот на општина Василево.