Градоначалникот на општина Василево, Марјан Јанев  по повод Новогодишно-Божиќните празници упати  честитка до своите сограѓани.

Почирувани сограѓани!

Уште една година е зад нас.  Година на предизвици, година на стварање, година на исполнување на дадените ветувања, година на исполнување на Вашите барања и очекувања.

Ја испраќаме Старата со добра мисла и многу  планови и идеи за наредната.

Наша обврска е да го задржиме континуитетот во развојот на општина Василево; постојано да работиме на стварање нови содржини, услуги и вредности кои со кои ќе го подобриме стандардот на секојдневното живеење.  Да изградиме нови улици и патишта, тротоари, канализации;  Да ги исчистиме дивите депонии; Да ги осветлиме неосветлените  улички; Да изградиме нова детска градинка;  детски игралишта и паркови; нови спортски терени………..и уште многу други мали и големи проекти во сите населени места кои ќе го направат животот поубав на сите граѓани на општина Василево.   Заедно да направиме  времето кое доаѓа да биде време на нов раст и развој на општина Василево.

Со позитивна енергија и оптимизам да зачекориме во Новата 2019-та.  Со волја и упорност, сплотени, со заеднички сили да продолжиме во менувањето на ликот на нашата општина.

Да бидеме сите здрави и живи, среќни и весели,  и во хармонија и слога да ги поминеме празниците што идат.

Ви посакувам среќна и бериќетна Новата 2019 година и весели Божиќни празници .

                               Со почит,                                                              Ваш Градоначалник

                                                                                                            Марјан Јанев

На два дена пред истекот на календарската 2018 година, Советот на општина Василево го донесе Буџетот за наредната 2019 година кој изнесува 93 566 350 денари. Консолидираниот, односно Вуџетот заедно Буџетите на единките корисници, ООУ„Гоце Делчев“, Василево, ООУ „Атанас Нивичански“, Нова Маала и ЈОУДГ„Прва радост“,изнесува 172 300 150  денари.

„Буџетот за 2019 година е направен според новите правила на Министерството за финансии согласно кои висината на Буџетот е лимитирана на просечната реализација на Буџетот во изминатите три години со можност од проширување во висина од 10%. Целта на Владата е ние како општини да бидеме ограничени во делот на задожувањата и да работиме домаќински односно да сработиме онолку колку што општината ќе има приходи. Од друга страна нема да бидеме ограничени во делот на реализација на предвидените проекти бидејќи врз основа на склучен договор за реализација на одреден проект и обезбедени средства ќе имаме можност со ребаланс на Буџетот истиот да го прошириме и да ги реализираме проектите“ рече во своето образложение градоначалникот на општина Василево Марјан Јанев, кој додаде дека Буџетот е составен од Програмите кои Советот ги донесе на претходната седница.

На седницата согласност добија и останатите предлози од дневниот ред односно Програмата за работа на ЈПКД „Турија“, п.о Василево за 2019 год. Одлуката на УО на ЈПЛД „Турија“ Василево за утврдување на цената за водата за пиење или водоснабдување и Одлуката на УО на ЈПКД „Турија“, Василево за утврдување на цената за собирање и одведување на урбани води.

Донесена беа и  Одлуката за извршување на Буџетот на општина Василево за 2019 година и Одлука за утврдување на вредноста на бодот за платите на државните службеници за 2019 година.

Ова воедно беше и последната Седница на Советот на општина Василево за  на 2018 година.

Денес, првачињата од училиштето „Гоце Делчев“ во Василево, заедно со своите наставнички, беа гости во општинската зграда, каде од Дедо Мраз добија  новогодишни пакетчиња,  а тие преку песнички  се заблагодарија и му ја честитаа Новата година на градоначалникот  Марјан Јанев и и вработените во општината. „Да ми бидете сите здрави и живи, весели, среќни и безгрижни“  им посака градоначалникот Јанев на дечињата на денешната средба.

Традиционално, општина Василево  им подари Новогодишни пакетчиња на сите првачиња кои учат во училиштата  во општина Василево.

Крајот на оваа 2018-та основците од ООУ„Гоце Делчев“, Василево ќе го одбележат со специјална новогодишна програма. Под мотот „Да запееме сите заедно….од нас за нас“,  денес, со почеток во 16,30 часот, во спортската сала во Василево ќе изведат богата Новогодишна програма. Настанот има хуманитарен карактер.  Средствата собрани од влезниците ќе бидат искористени во хуманитарни цели.

Во сабота,  29.12.2018 година, со почетот во 14,00 часот Советот на општина Василево ќе ја одржи седумнаесетата и воедно последна седница за оваа календарска година, на чиј дневен ред ќе биде и Предлог-Буџетот на општина Василево за   2019 година. Останатите предлози по кои ќе расправаат Советниците се:

• Давање согласност на Програмата за работа на ЈПКД „Турија“, п.о Василево за 2019 година,
• Давање согласност на Одлуката на УО на ЈПКД „Турија“ Василево за утврдување на цената за водата за пиење или водоснабдување.
• Давање согласност на Одлуката на УО на ЈПКД „Турија“, Василево за утврдување на цената за собирање и одведување на урбани отпадни води.
• Предлог-Буџет на општина Василево за 2019 година.
• Предлог-одлука за извршување на Буџетот на општина Василево за 2019 година.
• Предлог-одлука за утврдување на вредноста на бодот за платите на државните службеници за 2019 година.

Седницата ќе се одржи во просториите на Домот на културата во Василево.