Почитувани сограѓани,
Ве информираме дека на ден 22.08. 2017 година (вторник) во раните утрински часови ќе се изврши авионско прскање против комарци.
Доколку временските услови не дозволат да се реализира прскањето, истото ќе се спроведе наредниот ден односно на 23.08.2017 година во истиот временски период.
Ги известуваме сопствениците на пчелни семејства, во најавениот временски период, да преземаат соодветни мерки за заштита.
Со почит,
Општина Василево
Општина Василево ќе добива директна помош од фондовите на ЕУ откако градоначалникот на општината г-дин Ванчо Стојанов потпиша меморандум за соработка со општините Корено Аусонио (Италија), Струмјани (Бугарија) и општина Нехсар од Малта. Првите луѓе на овие општини учествуваа на форумот ,,Европа за општините“ организиран од претседателот на европскиот парламент Антонио Тајани кој подвлече дека руралните општини мора да бидат подржани со цел да им се помогне на граѓаните
,, Општините не може да се справат со промените па затоа тука е ЕУ да им помогне а преку нив и на самите граѓани. Овие четири општини ќе бидат приоритет да им се помогне од фондовите кои ќе бидат отворени од ЕУ. Руралните општини немаат доволно ниту пероснален ниту финансиски капацитет да се справат со сите проблеми па затоа ЕУ мора да води сметка тоа да се поправи во функција на стопирање на миграцијата која во моментов е најголем проблем на Европа“ истакнал Тајани.
На Форумот било истакнато дека ваквиот пример на здружување треба да биде пример и за другите општини и на тој начин ќе се воспостават добри релации не само меѓу локалните самоуправи туку и на самите држави за да се потикне глобалниот економски развој
,,Општините се најблиска алка со граѓаните и само преку локалните самоуправи може да им се помогне. Тие се само еден мал прозор на отвореност кон ЕУ и со ваквото збратимување и соработка полесно може да се користат средствата на ЕУ фондовите за да се помогне и на Р. Македонија и на општина Василево и да се види рамноправноста на сите граѓани на ЕУ“ , истакнал градоначалникот на општина Василево, г-дин Ванчо Стојанов на форумот „Европа за општините“.
Стојанов имаше средба и со македoнскиот амбасадор во Италија Оливер Шамбевски.
„Денес започнаа градежните активности за реализација на уште еден проект од општина Василево, проект кој беше ветен за граѓаните на општина Василево, односно за граѓаните на населено место Чанаклија“ изјави градоначалникот на општина Василево г-дин Ванчо Стојанов на денешниот официјален старт на градежните активности на локалниот пат Чанаклија – Нова Маала.
Во оваа фаза ќе биде асфалтиран дел од патот во должина од еден километар и тоа почнувајќи од населеното место Чанаклија така што ова воедно ќе претставува и улица за жителите кои живеат во овој дел од селото. Ширината на овој пат ќе биде 5 метри плус банкини со ширина од по половина метар од двете страни на патот.
Вкупниот буџет за оваа инвестиција изнесува 6,5 милиони денари од кои околу 5,2 милиони денари се од Бирото за регионален развој обезбедени преку Центарот за развој на Југоисточниот плански регион и околу 1,3 милиони денари од општинскиот буџет.
Градоначалнокот е оптимист дека во скоро време односно до крајот на оваа градежна сезона, на задоволство на сите негови корисници, комплетно ќе бидат завршени градежните активности на овој пат.
Вкупната должина на локалниот пат Чанаклија – Нова Маала е околу 4 км. од кои досега се асфалтирани 1,3 км. од правецот на Нова Маала кон Чанаклија.
На денешната редовна 56-та седница на Советот на општина Василево, советниците позитивно се изјаснија за сите предлози од дневниот ред. Едногласно беа усвоени Кварталните извештаи за: Извршување на Буџетот (К-1), за доспеаните а неизмирени обврски на општина (К-2) и за промените на состојбата на задолжување на општина (К-3), сите за периодот 01.01.2017 до 30.06.2017. Во обрзложението што го даде градоначалникот на општина Василево г-дин Ванчо Стојанов, рече дека извршувањето на целокупниот Буџет на општина Василево е околу 38%. Исто толкаво, односно околу 38% е и извршувањето кај основниот буџет. Кај блок-дотациите извршувањето е околу 50%, кај самофинансирачките активности околу 41% и кај донациите околу 12% реализација. Стојанов изрази надеж дека до крајот на годината општина Василево ќе има целосна реализација на Буџетот.
Советниците ги усвоија и предложените промени и дополнувања во Програмата за спорт, рекреација и манифестации на подрачјето на општина Василево за 2017 година. Согласно усвоените измени се зголемуваат средствата што општината ги доделува за организирање на Курбан –Бајрамскиот турнир а се намалуваат за турнирот во с. Ангелци.
На седницата, едносгласно, донесени се и неколку стратешки документи, односно Планот за управување со отпад наопштина Василево за периодот 2017 – 2022, Решение за одобрување на Регионалниот план за управување со отпад во Југоисточниот плански регион, Мислење по финален извештај за стратегиска оцена на животната средина и Регионален план за управување со отпад во Југоисточниот плански регион. Образложение за овие стратешки документи даде г-дин Ристо Чивчиев од Центарот за развој на Југоисточниот плански регион. „Регионалниот план за управување со отпад се однесува на целиот Југоисточен плански регион односно на десетте општини и е документ кој ги опфаќа сите елементи во делот на отпадот односно сите видови на отпад како комуналниот отпад од домаќинствата, од претпријатијата, градежниот отпад, медицинскиот отпад, индустрискиот отпад, градинарски отпад и ги разработува и ги утврдува состојбите на теренот во целиот ЈИПР“, рече Чивчиев кој во продолжение даде детално облјаснување и за функционирањето на терен односно системот на управување со отпад на ниво на регион и задачите што секоја општина ќе треба да ги реализира во наредниот период. За сите десет општини од ЈИПР изработени се и општински планови за управување со отпад за периодот 2017-2022, чие практично спроведување е во корелација со спроведувањето на Регионалниот план.
До крајот на седницата Советниците го усвоија и Годишниот план за вработување на ЈОУГД „Прва радост“ Василево за 2018 година, како и некполкуте барања за финансиска помош од доставени до општинскиот Совет од правни и физички лица.
Почитувани сограѓани,
Ве информираме дека на ден 30.07. 2017 година (недела) во раните утрински часови, во периодот од 04,30 ч. до 09,30 ч. ќе се изврши авио третирање против комарци.
Доколку временските услови не дозволат да се реализира прскањето, истото ќе се спроведе на 31.07.2017 година во истиот временски период.
Ги известуваме сопствениците на пчелни семејства, во најавениот временски период, да преземаат соодветни мерки за заштита.
Со почит,
Општина Василево
На 28.07.2017 година (петок) со почеток во 12,00 часот Советот на општина Василево ќе ја одржи 56-та седница.
За работа на седницата предложен е следниот дневен ред:
Општина Василево денес асфалтираше улица во населеното место Нова Маала. Тоа е улицата која започнува од спојот со постојната, асфалтирана главна улица во селото. Средствата за оваа улица во висина од околу 5 200 000 денари се кредит обезбеден од Светска Банка преку Министерството за финасии од Проектот за подобрување на општинските услуги (МСИП).
„Денес на крај се градежните работи на улицата во Нова Маала. Тоа е една од улиците која беше ветена пред граѓаните за оваа градежна сезона“ изјави градоначчалникот на општина Василево г-дин Ванчо Стојанов кој денес беше на терен и на лице место ги следеше активностите на асфалтирање на оваа улица.
Должината на оваа улица изнесува 400 метри а ширината 4метри. Од страната изграден е канал во широчинана од еден метар за прибирање на атмосферските води како и пешачки патеки односно тротоари од двете страни на улицата во ширина од по половина до еден метар, зависно од условите на терен.
Изведувач на работите е градежната компанија Универзал градба.
Според информацијата од градоначалникот Стојанов, оваа улица како и улицата во населеното место Пиперево која исто така е во изградба целосно ќе бидат завршени до почетокот на идниот месец односно до 1-ви август.
Општина Василево во соработка со општинските организации на Сојузот на борците од Струмица и Радовиш, го одбележа 19-ти јули – денот на средбата меѓу струмичката и радовишка младина, која се случила во далечната 1941-ва година и на која било договорено нивното идно заедничко револуционерно дејствување.
Пред спомен плочата која се наоѓа на влезот во селото Радичево, свежо цвеќе положија делегации од општина Василево, Сојузот на борците од Струмица и Сојузот на борците од Радовиш. Реферат за настанот прочита градоначалникот на општина Василево г-дин Ванчо Стојанов.
„19-ти јули 1941 година е денот кога на половина пат меѓу Струмица и Радовиш, во близина на с. Радичево се случила историската средба меѓу младите од Радовиш и Струмица, средба на која биле поставени основите на идното заедничко револуционерно дејствување.
По речиси 15 километарско пешачење, се сретнале групите од двата града, се споиле во една при што настанало меѓусебно запознавање и дружење кое продолжило и во наредниот период. Настанот во вид на заеднички излет бил проследен со културно забавна програма при што биле рецитирани патриорски и хумористично – сатирични творби преку чија содржина се исмевале фашистичките окупаторски сили, рече меѓу гругото градоначалникот Стојанов и порача, оваа спомен плоча нека биде вечен потсетник на настанот од 19-ти јули 1941-ва година кога прогресивната младина од двата града се здружила за заедничка борба се до конечното ослобпдување на нашата земја“
