Во текот на денешниот ден, механизација ангажирана од Струмички слив ги привршува активностите на чистење на каналот што ги поврзува населените места Едрениково и Градошорци. Според информацијата добиена од градоначалникот на општина Василево г-дин Ванчо Стојанов, оваа активност се спроведува во соработка со Министерството за земјоделство, шумарство и водостопанство на Р.Македонија кое, активноста на чистење на каналите во општина Василево им ја има доверено на Струмички слив. Предлогот за тоа кои канали ќе бидат исчистени на барање на Министерството е даден од локалната самоуправа Василево.

Во текот на минатата недела во рамки на истата активност исчистен е и каналот во населеното место Чанаклија, односно Азмакот како што е познат меѓу народот, во должина од околу 4 км.
Градоначалникот Стојанов информира дека чистењето на каналите е една од приоритетните активности на општината, која во соработка министерствата, општинското јавно комунално претпријатие и другите институции кои имаат надлежност од оваа област, продолжува и понатаму да ја спроведува во сите населени места согласно потребите.

Денес, на големиот Христијански празник Богојавление –  Водици, во населените  места на општина Василево, согласно Православната вера и традиција беа осветени водите. Чинот на пуштањето на светиот крст во водите и нивното осветување беше проследено од бројни верници.  Општина Василево  и оваа година како и претходните,  за најсреќните – оние кои го фатија крстот, обезбеди  награди.  Градоначалникот на општина Васиелво, г-дин Ванчо Стојанов,  присуствуваше на чинот на осветувањето на водите во населените места Чанаклија, Василево, Владевци, Сушево, Едрениково и Седларци и при тоа лично честитајќи им на оние кои го фатија крстот им ги даде и наградите од локалната самоуправа Василево.

Мери Јанева од Градашорци, актуелниот шампион во куглање на Македонија е избрана за спортист на Василево за 2014 година. Ваква одлука донесе општината која ги прогласи најуспешните во спортот за минатата година на завршницата од турнирот во мал фудбал. Епитетот за најдобар спортист , Јанева го доби заради својата доминација во куглањето во државата во младинска и сениорска конкуренција, но и поради освоените медали на меѓународни натпревари .
јанева

  
Најуспешна екипа за минатата година, општина Василево го прогласи тимот на ОК ,,Сушево,, кој во 2014 година се покажа како доста квалитетен одобјкарски тим завршувајки го есенкиот дел од првенството на третата позиција. За најдобар спортски работник општина Василево го прогласи тренерот на ФК, ,Василево Јуниор,, Ратко Јанушев кој во контуинитет неколку години го пренесува своето знаење на младите фудбалери од ова општина.

,,Јанева, одбојкарите на Сушево но и Јанушев се вистински афирматори на нашата општина како во земјава така и надвор од неа. Како локална самоуправа во рамките на своите можности и понатаму ќе ги подржуваме бидејки со своите резултати и успеси докажуваат дека во својата матична општина се негува спортот,, истакна градоначалникот на Василево Ванчо Стојанов на доделувањето на признанијата.

Предмет на електронското јавно наддавање е градежно неизградено земјиште, сопственост на Република Македонија, предвидено со ЛУПД за хотелски комплекс на КП 1160 и 1162 во КО Владевци, донесен со решение број на 08-1991/1 од 07.10.2013 година со намена за изградба на хотелски комплекси, со компатибилни класи на намени Б1, В2, Д3 макс. До 40%, согласно Табеларен преглед во кој се дадени податоци за градежната парцела, број на катастарска парцела опфатена со градежната парцела, висина до венец, катност, вкупна површина на градежната парцела, површина за градење и депозит за учество на јавното наддавање.

Повеќе информации на страната на министерството за транспорт и врски на следниот ЛИНК

Градоначалникот на општина Василево г-дин Ванчо Стојанов, на своите сограѓани – припадници на православната вероисповед, по повод големиот Христијански празник Рождество Христово – Божиќ им упати честитка со желби за добро здравје, среќа, спокојство и духовен мир.

Почитувани сограѓани, припадници на Православната вероисповед! Во деновите кога го славиме еден од најголемите Христијански празници, кога го одбележуваме раѓањето на нашиот спасител и син божји Исус Христос, искрено, од се срце, со чиста душа и отворен ум да се свртиме кон своите ближни, и во светлината на големиот празник да подариме топлина, љубов и разбирање. Одбележувањето на Христовото раѓање нека биде само поттик и причина повеќе, во духот на Христијанството, со верба во Бога, почитувајќи се едни со други да ја споделиме радоста на животот, и заедно со нашите најблиски, со семејството, пријателите, соседите да си посакаме мирно и спокојно секојдневие. Почитувани сограѓани! Добро здравје, духовен мир и меѓусебно разбирање нека царува во Вашите домови и срца. Христос се роди! Честит Божиќ!