Општина Василево во соработка со ЈПКД „Турија“, Василево дваесетина и повеќе денови, во континуитет  спроведува активност на насипување со крупен чакал и тампонирање на локални земјени улици низ населените места на општината.

Според информација од градоначалникот на општина Василево Славе Андонов, кој на стартот на оваа активност која започна на крајот од претходниот месец  изврши увид во текот и напредокот на работите, досега се опфатени улици во населените места Василево,  Сушево,  Градашорци, Нова Маала, Пиперево  и Радичево и тоа: по три улици во Василево и Сушево,две во Градашорци, по една во Нова Маала, Пиперево и Радичево каде тековно се работи.

Конкретно,  активноста се состои од пополнување на  дупките по улиците со чакал и негово рамнење и тампонирање со машина со што истите се санираат,   им се подобрува состојбата а на  граѓаните кои секојдневно ги користат овие улици им се овозможува подобар пристап кон и од своите домови.

Во  оваа  активност според информацијата од ЈПКД „Турија“, Василево со чии ресурси се спроведува активноста, се работи за околу 240 м³ чакал, обезбедени од општествено одговорни  компании со кои општина Василево има  одлична соработка.

Општина Василево, со Свечена седница го одбележа 16-ти Декември- денот на општина Василево.

Пред присутните се обрати градоначалникот на општина Василево Славе Андонов, кој во обраќањето се осврна на развојот на општина Василево во изминатите 27 години, притоа изразувајќи благодарност на сите негови претходници за постигнатото и резултатите кои континуирано продолжуваат и сега.

Ставајќи посебен акцент на идните планови и проекти со чија реализација како што кажа се обезбедува иднина каква што сите си посакуваме за нас и нашите идни поколенија, Андонов меѓу другото рече: „Убавите денови се добар повод и причина да се сетиме на убавите работи кои заедно ги постигнавме, но уште поубав момент да погледнеме кон иднината онаква каква што сите си ја посакуваме за нас и нашите поколенија; Иднина во која ќе понудиме решенија за актуелните проблеми и прашања; Иднина во која најголем дел од проблемите во секојдневното живеење а кои се во надлежност на локалната самоуправа ќе бидат минато“.

Како три битни сегменти со посебен фокус ги наведе финансиското стабилизирање на општина Василево;  вложувањето во сите сфери со посебен акцент на образованието и се што е повразоно со децата или како што рече: „децата се нашата иднина,  па  прашањата поврзани со нив ги сметам како посебно важни“ намерата на општина Василево за зголемувањето на сопствените приходи преку продажбата на државно градежно неизградено земјиште и урбанизација.

На крајот од своето обраќање, градоначалникот Андонов упати и порака до сите свои сограѓани дека за успешен развој на општината потребно е секој во својата средина да се однесува исто како во својот дом: „ Општината се сака со дела. Затоа сите ние нејзините граѓани, секој во својот делокруг на активности, во рамките на своите знаења и можности, секој во своето населено место, треба да се однесува одговорно и домаќински исто како во својот дом. Општината е дом на сите нас. И само со добро планирање, многу залагање, континуирана работа и вклученост на сите жители од напредокот на овој наш заеднички дом е сигурен“

Обраќањето на градоначалникот Андонов може да се види на следниот линк: https://www.facebook.com/vasilevo24.

Денес, општина Василево започна со изградба на Фекален канализационен систем,  Колектор К3 во населеното место Василево.

Согласно техничката документација  и информациите добиени од изведувачот на терен, должината на овој крак изнесува 478 метри. Вкупниот Буџет за негова реализација е околу 1 800 000 денари од кои  околу 1 000 000 ден се од општинската каса и 700 000 денари обезбедени од Министерството за транспорт и врски преку Програмата за поддршка на имплементацијата на Декадата и стратегијата за Ромите за 2023 година.

Увид на лице место направи градоначалникот на општина Василево, Славе Андонов со дел од своите вработени, при што од претставникот на изведувачот се информираше за текот на планираните активности, кои во зависност од временските услови би требало да сеодвиваат во континуитет.

Согласно Програмата од која се обезбедени дел од средствата за реализација на овој проект, овој крак е лоциран во дел од с. Василево со Ромско население.

На ден 16.12.2023 година (сабота) со почеток во 12,00 часот, во салата на хотел Мис Стон,  Советот на општина Василево ќе одржи свечена седница по повод Денот на општина Василево, 16-ти Декември.

Свечената седница ќе се одвива по следниот дневен ред:

1. Отварање на свечената седница на Советот на општина Василево

2. Обраќање на Претседателот на Советот на општина Василево

3. Обраќање на Градоначалникот на општина Василево

Дневен ред

„Во населеното место Пиперево се гради последниот крак од фекален канализационен систем. Во Пиперево нема да има домаќинство, кое нема да има можност да се приклучи на фекалниот канализационен систем. Ова е историски момент, бидејќи ова е проект долгоочекуван и неопходен за секојдневното живеење на граѓаните од Пиперево. Со овој проект настапив и на Локалните избори 2021 година како ветување и врз основа на тоа ја добив довербата од граѓаните да ја водам општина Василево. Повеќе нема да има излевање на септичките јами а со тоа ќе се заштити животната средина. Но овде не застануваме, наредните денови ќе започне да се гради нов крак од фекална канализација во населеното место Василево“, напиша на својот ФБ профил,  https://www.facebook.com/vasilevo24, градоначалникот наопштина Василево Славе Андонов, по мизвршениот увид во текот на активностите од изградбата на последниот крак  од системот за фекална канализација во населеното место Пиперево.

Должината на овој крак изнесува околу еден километар.

Со оваа тековна активност општина Василево го заокружува системот за фекална канализација притоа стварајќи услови за приклучување на сите домаќинства од населеното место Пиперево.

Викендот,  делегација од општина Умраније, РТурција, беше во работна посета на општина Василево. По средбата и разговорите во кабинетот на Градоначалникот, гостите го посетија и детското забавно-катче во с. Василево, во кое реквизитите за игра и забава на децата се донација токму од оваа пријателска општина.

За  деталите од посетата на делегацијата и разговорите на работниот состанок во кабинетот, преку својот ФБ профил, https://www.facebook.com/vasilevo24, информираше градоначалникот Андонов:

„Денес во работна посета на општина Василево беше делегација од Општина Умраније, Република Турција, предводена од заменик градоначалникот Мустафа Ислак. Општината е со околу 800.000 жители. Во оваа општина живеат многу наши иселеници. Општина Умраније пред извесно време донира детско забавно катче за нашите најмлади граѓани и истото е поставено во населеното место Василево. Разговаравме за нашите надлежности, актуелните проблеми и предизвици, кои се нашите сличности а што е она што не разликува како локални самоуправи. Им благодариме на гостите за донацијата. Но воедно разговаравме и за можноста да добиеме помош и донации во други области за кои е надлежна локалната самоуправа. Општина Василево ќе биде меѓународно препознаена и афирмирана“.

На средбата присуствуваа и претседателот на Движењето за национално единство на Турците во Македонија Ердоган Сарач  и членовите во Советот на општина Василево од истата партија Ридван Мемедов и Таип Демиров.

Градоначалникот на општина Василево Славе Андонов  со директорот на Центарот за развој на  Југоисточниот плански регион Ѓоко Камчев, потпиша Договор за реализација на проектот за изградба на патот до манастирот Св. Ѓорѓи во с. Дукатино.

Споделувајќи ја информацијата преку својот ФБ профил, https://www.facebook.com/vasilevo24, градоначалникот Андонов меѓу другото напиша:„ Ветеното го реализираме. Конечно после долги години очекувања на граѓаните од оваа населено место, ќе се асфалтира патот до манастирот Св.Ѓорги во Дукатино. Уште едено ветување ќе стане реалност! Општина Василево се менува, ветувањата кон граѓаните се реализираат“.

Должината на овој локален пат изнесува 280 метри. Средствата во висина од 2 121 669  денари се обезбедени  од Програма за рамномерен регионален развој за 2023 година на МЛС/БРР.

Финансиското учество на општина Василево е во износ од 190 950  денари.

Денес, локалната самоуправа Василево започна со изградба на повеќенаменско игралиште во населеното место Чанаклија. Со механизација се вршеше  машински ископ  на земја и порамнување на трасата, каде ќе биде изградено новото игралиште. На лице место, заедно со дел од соработниците беше и градоначалникот на општина Василево Славе Андонов.

Согласно проектната документација, игралиштето ќе биде со асфалтна подлога на површина од  990 м^{2 .}  Поставени ќе бидат по  две стативи и кошеви со што ќе се овозможи играње на фудбал, кошарка, ракомет, односно ќе одговара на различните потреби на граѓаните кои овде ќе спортуваат. Игралиштето ќе биде осветлено со лед рефлектори со што ќе биде можно спортување и во вечерните часови.

Изградбната на ова игралиште е планирана со Програмата за уредување на просторот на градежното земјиште во руралните подрачја во Општина Василево за 2023 година.  Средствата за негова реализација изнесуваат 3 538 045 денари и истите се обезбедени од Буџетот на општина Василево.

„Уште едно ветување стана реалност! Општина Василево се менува, ветувањата кон граѓаните се реализираат“, напиша на својот ФБ профил градоначалникот на општина Василево Славе Андонов, https://www.facebook.com/vasilevo24,  по неговата денешна посета на населеното место  Сушево во чиј центар општина Василево изгради ново урбано катче за жителите.

Како што информира градоначалникот Андонов, со овој проект кој е всушност и барање на жителите од Сушево, центарот на населеното место добива нови содржини односно  поплочување со бекатон плочки и бетонски ивичњаци, поставување на урбана опрема, ново осветлување,  клупи и корпи за отпадоци, поставување на фонтана, хортикултурно уредување со високо и ниско зеленило како и со сезонско цвеќе со што  запуштениот и руиниран центар во Сушево станува  минато  а граѓаните на Сушево добија соодветен простор за одмор и дружење.

Вкупната инвестиција изнесува 395 300 денари, средства обезбедени од општинската каса.

„За неколку месеци, населените места Василево, Градашорци, Ангелци и Едрениково конечно ќе имаат чиста и здрава вода за пиење. Обезбедивме средства за последната фаза од реконструкција на филтер станицата „Ташли баир”, напиша на својот ФБ профил, https://www.facebook.com/vasilevo24,  градоначалникот на општина Василево Славе Андонов, по потпишувањето на Договорот за партнерство со ЦРЈИПР во реализација на проектот „Преземи чекор-заштити ја животната средина“.  Во рамките на овој проект  општина Василево обезбедува средства за набавка на опрема за реконструкција и сервисирање на опрема за филтер станицата „Ташли Баир“ односно за регионалниот водовод од кој со вода за пиење се снабдуваат населените места  Василево, Ангелци, Градашорци и Едрениково.

Средствата во износ од 1 395 940 денари се обезбедени од Бирото за регионален развој согласно Одлуката за доделување на средства за финансирање на проекти за развој напланските региони за 2023 година. Општина Василево ќе учествува и со сопствени средства во износ од 104 695 денари.

„Моето ветување го исполнувам. Постепено но сигурно работиме населените места во општина Василево да добијат чиста вода за пиење. Конечно ќе заврши целосното и темелно решавање на проблемот со вода за пиење за жителите на Василево, Градошорци, Ангелци и Едрениково. Навистина сум среќен, што решаваме децениски проблем.Правото на пристап до чиста вода е основно човеково право.Ветувањата кон граѓаните се реализираат“, стои во ФБ објават на градоначалникот Андонов.