„Општина Василево деновиве интензивно работи на подобрување на патната инфрструктура, со цел олеснување на пристапот на граѓаните до сопствените домови и воопшто подобрување на условите за живеење“, изјави градоначалникот на општина Василево Марјан Јанев, во врска со тековните активности на подготовка на теренот за изградба на улици во Ангелци и Градашорци.

„После населеното место Седларци се подготвува теренот односно се порамнуват, тампонират патишта во населените места Ангелци и Градошорци за да може во наредните денови да се изврши нивно асфалтирање. Во наредниот период истата активност ќе продолжи и во другите населени места во општина Василево. Со средства од Буџетот ќе бидат асфалтирани вкупно 14 улици кои беа предвидени во Програмата за изградба, реконструкција на локални улици и патишта. Од наредна недела ќе се започне и со реализацијата на локалните патишта за кои средства беа обезбедени од АФПРРЗ И БРР“, информираше градоначалникот Јанев.

Денес, во Василево,  на  иницијатива и покана на градоначалникот на општина Василево, Марјан Јанев, беше одржан  заеднички состанок  на кој присуствуваа  Ветеринарните друштва од Струмичкиот регион, инспекторот од Агенцијата за храна и ветеринарство Сашо Беџовски и одгледувачите на свињи  од Добрашинци кои свињите ги одгледуваат на регионалната депонија Шапкар кај Добрашинци.  Како што информираше градоначалникот на општина Василево  засегнатите страни успеале да постигнат Договор. Договорено е свињите  кои се одгледуваат во близина на депонијата да им бидат одземени на одгледувачите и притоа за истите да добијат соодветен надоместок од страна на  Агенцијата за храна и ветеринарство.

Постапката со одземање на свињите ќе се случи во средината на наредната седмица.

„Ова е втор состанок во ваков состав оваа недела и сметам дека сите треба да сме задоволни бидејќи успеавме  да постигнеме Договор а со тоа да ги испочитуваме и препораките од Владата на РСМакедонија во врска со појавата на болеста Африканска свинска чума во соседна Бугарија“, изјави Марјан Јанев, градоначалник  на општина Василево на чија територија се наоѓа регионалната депонија Шапкар  во чија близина граѓаните на Добрашинци одгледуваат свињи.

Општина Василево е една од петте општини во РСМакедонија која преку ЈПП (Јавно приватно партнерство) со ЕСКО компаниja (Компанија за енергетски услуги)   ќе обезбеди енергетски ефикасно улично осветлување за кое нема да потроши ниту денар од сопствениот буџет.

Денес, во Скопје, во просториите на Стопанска комора, во организација и на покана на Македонската енергетска асоцијација (МЕА) при Стопанската комора на Македонија а во соработка со Проектот „Создавање услови за имплементација на ЕСКО проекти“, градоначалникот на општина Василево, Марјан Јанев заедно со  претставници од стручните служби на општината присуствуваше на работилница за енергетска ефикасност за проекти за јавно улично осветлување.  Општина Василево како една од петте општини во државата во која ќе се имплементира проектот, пред присутните претставници на Министерството за економија,  ЕСКО компаниите, Банките и експертите имаше презентација на техничката документација за јавното улично осветлување и нејзиниот опфат.

Според информацијата добиена од градоначалникот на општина Василево Марјан Јанев, следниот чекор е објавување на јавна набавка за избор на ЕСКО компанија која ќе го реализира проектот на терен.

Бенефитот на општината е повеќекратен и долгорочен бидејќи се обезбедува квалитетно енергетски ефикасно улично осветлување кое континуирано ќе бележи заштеди односно пониски сметки за потрошена електрична енергија по основ на  улично осветлување, како и опрема која и по завршувањето на договорот останува во сопственост на јавниот партнер односно на општината.

Целиот овој процес е раководен од Европската банка за обнова и развој во соработка со Секретаријатот за енергетската заедница со кој Република Северна Македонија има потпишано Договор за соработка.

Градоначалникот на општина Василево Марјан Јанев и раководителката на Центарот за развој на Југоисточниот плански регион Жулиета Ѓуркова, во петок, 16.08.2019 година, во просториите на општина Василево потпишаа Договор за партнерство за реализација на проектот „Реконструкција на пат од крстосница пред с.Доброшинци до брана Турија“. Должината на патот изнесува 800 метри а средствата се обезбедени од Агенцијата за финансиска поддршка во земјоделието и руралниот развој, од Програмата за финансиска поддршка на руралниот развој, преку мерката Зачувување и унапредување на традиционалните вредности во руралните подрачја. Согласно Договорот одобрени се 11.822.560 денари или околу 190 000 евра. Учеството на општина Василево е преку плаќањето на износот на ДДВ-то за овие средства.

Според информацијата од градоначалникот на општина Василево, Марјан Јанев,  во наредните денови следува тендерирање за избор на компанија – најповолен понудувач кој ќе ги изведува работите на терен.

„Ова е само чекор во постапката чиј краен резултат ќе го почувствуваат бројните корисници на овој пат. Со реализацијата на овој проект само ја потврдуваме нашата цел за асфалтирање на сите локални патишта, улици и улички во нашите населени места, стварајќи оптимални услови во локалната патна инфраструктура и воопшто подобри услови за живот на сите жители на општина Василево“, изјави градоначалникот наопштина Василево Марјан Јанев.

Од петок, 16.08 2019 година, земјоделците од Струмичкиот регион ќе можат да ги подигнат  картичките за зелена нафта во просториите на Министерството за земјоделство, шумарство и водостопанство – ПЕ Струмица. Првите картички на земјоделците од општина Василево, им беа поделени ден порано во просториите на општина Василево од страна на  градоначалникот на Општина Василево Марјан Јанев, раководителот на МЗШВ – ПЕ Струмица Васил Коцев и пратеникот во собрание на РСМ Сашко Атанасов.

Корисник на оваа мерка е секој земјоделец кој има пријавено субвенции за градинарски и поледелски култури, овошни и лозови насади за 2018 насади. Со картичките земјоделците добиваат  поевтина нафта или 30 отсто од трошоците за нафта ги покрива државата.  а средствата на картичките земјоделците треба да ги искористат до крајот на април 2020 година. Со овие картички земјоделците ќе можат да точат исклучиво евродизел за земјоделската механизација.

На ден 21.08.2019 година (среда), со почеток во 11,00 часот,  Советот на општина Василево ќе ја одржи дваесет и четвртата седница. За работа на седницата предложен е следниот дневен ред:

1. Кваратален извештај за извршување на Буџетот за 2019 година за периодот од 01.01.2019 до 30.06.2019 година (К-1);
2. Кваратален извештај за доспеани а неизмирени обврски на општина Василево за периодот од 01.01.2019 до 30.06.2019 година (К2);
3. Кваратален извештај за промените на состојбата на задолжувањето на општина Василево за периодот од 01.01.2019 до 30.06.2019 година (К3);
4. Годишен План за вработување на општина Василево за 2020 година;
5. Годишен План за вработување за 2020 година на ЈПКД „Турија“, Василево;
6. Финансиски озвештај на ЈПКД „Турија“ за првото полугодие за 2019 година;
7. Давање согласност на Одлуката на УО на ЈПКД „Турија“, Василево за утврдување на висината на трошоците за прекинување и повторно приклучување на корисникот на вода;
8. Предлог-одлука за ажурирање на Процената на загрозеност на подрачјето на општина Василево;
9. Донесување на Одлука по барањето за финансиски средства поднесено од Муслиев Фејзи од с. Градашорци.

Седницата ќе се одржи во просториите на Домот на културата во Василево.

Под мотото „Биди нечиј херој – Спаси живот дарувај крв“,  утре, 31.08.2019 година,  Црвениот крст на Република Македонија – општинска организација Струмица,  спроведува акција на доброволно дарување на крв.

Акцијата ќе се спроведе во просториите на Домот на културата во Струмица  во периодот од 09,00 до 14,00 часот.

Општина Василево се придружува кон  апелот на организаторите и ги поканува своите сограѓани како и многупати досега да ја покажат својата хуманост на дело, да се вклучат во акцијата и со својата крв да помогнат во спасувањето на нечиј живот.

На официјалниот сајт на Бирото за јавни набавки, општина Василево објави пет  тендери за изведување на градежни работи, чија вкупна проценета вредност изнесува околу 650 000 евра .

Градежните работи ќе се одвиваат на повеќе локации во неколку населени места. Две улици ќе бидат изградени  во населеното место  Добрашинци од кои едната во должина од 420 метри  а другата во должина од 240 метри. Во Василево ќе се реконструира улицата од поштата до црквата чија должина изнесува  216 метри. Ќе биде реконструиран и локалниот пат Ново Владевци – Сушево во должина од 1878 метри,  а локалниот пат Нова Маала –Чанаклија со асфалтирањето на последната делница од околу 2 км ќе биде целосно асфалтиран.  Заинтересираните оператори целокупната тендерска документација можат да ја најдат на официјалната старана на Бирото за јавни набавки на следниве линкови:

https://e-nabavki.gov.mk/PublicAccess/home.aspx#/dossie/a00a01ac-15bd-49a2-a0fb-7a789ac25228/14, Реконструкција и ревитализација на локален пат Ново Владиевци – Сушево клучка со магистралниот пат А4 Струмица – Скопје па се до центарот на село Сушево во должина од 1878 метри;

https://e-nabavki.gov.mk/PublicAccess/home.aspx#/dossie/ca397857-8a22-471e-a6b4-60420fcc9e86/14, Изградба на дел од локален пат Нова Маала – Чанаклија во должина од 2000 метр;

https://e-nabavki.gov.mk/PublicAccess/home.aspx#/dossie/1caa64a4-e2c6-42ce-8f4a-08b1ee7fb4b5/14, Изведување на градежни работи за реконструкција  на улица во с.Василево од пошта до црква во должина од 216 метри;

https://e-nabavki.gov.mk/PublicAccess/home.aspx#/dossie/da80c36e-ff2d-48b7-8d26-92a9e28862e7/14, Изведување на градежни работи за изградба на улица во с. Добрашинци , општина Василево во должина од 420 метри;

https://e-nabavki.gov.mk/PublicAccess/home.aspx#/dossie/1594244a-7073-41d9-856a-b996aa6c5d15/14, Изведување на градежни работи за изградба на улица во с. Добрашинци , општина Василево во должина од 240 метри.

Во моментот активен е и тендерот за геодетско-катастарски услуги на следниот линк:  https://e-nabavki.gov.mk/PublicAccess/home.aspx#/dossie/f0aaab8a-b7a8-4b33-b54f-28f863261e2b/13

Согласно објавените огласи краен рок за доставување на понудите е 06.08.2019 година.

На ова треба да се додаде и фактот дека пред десетина дена  заврши јавната набавка за изградба на вкупно 15 улици и улички во повеќе населени места и тоа  по три во населените места Пиперево и Василево, две во Градашорци, по една во населените места Седларци, Сушево и Ангелци, како и четири  помали во населеното место Висока Маала. Вкупната вредност на оваа набавка, изнесува   околу 120 000 евра, средства обезбедени од општинскиот Буџет.

„Периодот што е пред нас ќе биде период на интензивни  градежни активности во сферата на локалната патна инфраструктура бидејќи солидната патна инфраструктура е императив за квалитетен живот на граѓаните и  за економски развој на нашите населени места“, изјави градоначалникот на општина Василево Марјан Јанев во врска со престојните обемни градежни активности  на изградба и реконструкција на локални  патишта и улици. Дел од средствата за престојните градежни активности се сопствени средства од Буџетот на општина Василево а дел се обезбедени преку Програмите  на  Министерставата на Владата на РСМакедонија.

Согласно планирањата најголемиот дел од овие активности треба да бидат готови до крајот на оваа календарска година.

Денес, Јавното претпријатие за државни патишта изведуваше активности на асфалтирање на стариот пат Василево-Струмица, во делот од Добрејци до надвозникот кај Василево. Со тоа и последната делница од овој пат кој беше со коцка веќе е минато.

Според информација од градоначалникот на општина Василево, Марјан Јанев, општина Василево до ЈП за државни патишта уште во текот на минатата година има поднесено барање за реконструкција на овој  дел од патот  со оглед на постојната лоша состојба но и  секојдневната експлоатација и фреквенција, посебно  ако се има предвид фактот дека освен што поврзува две општини од двете страни на патот се протега индустриската зона Василево.

„ Овој патен правец го користат жителите на општинскиот центар Василево како едно од сообраќајните решенија до Добрејци и Струмица. На ова треба да се додаде дека искористеноста се зголемува и поради индустриските капацитетите во овој дел,  а имајки во предвид дека беше сеуште со коцка, како општина уште лани поднесовме барање за реконструкција и еве директорот на Јавното претпријатие за државни патишта Зоран Китанов најде начин да го вметне овој пат во годишната програмата, кој всушност преставува и меѓуопштински патен правец“, ни изјави градоначалникот на Василево Марјан Јанев.

Со комплетното асфалтирање на планираната делница учесниците  во сообраќајот ќе добијат сообраќајно решение со кое ќе се подобри квалитетот и безбедноста при патувањето.

На денес одржаната редовна 23-та седница, Советот на општина Василево донесе одлука за кредитно задолжување на општината заради набавка на специјално возило за собирање и транспорт на смет. Образложение за оправданоста за кредитното задолжување даде претседателот на Советот на општина Василево, Крсте Панев, кој појасни дека целта на набавката на новото возило е да се створат услови за да  може организирано да се собира сметот  од домаќинствата во уште неколку населени места, односно жителите на уште неколку населени места да бидат  опфатени со организираното собирање на смет.  Кредитот, односно долгорочното домашно задолжување ќе се оствари преку потпишување на Договор за под-заем со Министерството за финансии, во рамки на средствата обезбедени со проектот за подобрување на општинските услуги финансиран со заем од Меѓународната банка за обнова и развој – Светска банка. Износот на заемот изнесува  4 370 000 денари, а капацитетот  возилото што ќе биде набавено ќе изнесува 5,5 м³. Рокот на отплата на кредитот ќе биде 2 години со грејс период од 6 месеци.

На седницата донесени се и измени на Статутот на општина Василево и истите се однесуваат на името на државата, имено  секаде каде што во досегашнит текст стои Република Македонија се заменува со Република Северна Македонија.

Советниците позитивно одговорија и на барањето за финансиски средства, кое беше доставено до советот од ЖФК „Тиверија“ од Струмица.

Гостин на денешната седница беше секретарот на ОО на Црвен крст Струмица, Марјана Тошева, која по завршувањето на Седницата, надвор од дневниот ред, имаше кратка презентација на целите и планираните активности на ОО на Црвениот крст Струмица во наредниот период. Образложи дека за нивна успешна имплементација побара поддршка од општината и Советот како нејзин орган. Тошева посебно побара помош во делот на таргетирање на граѓани од општина Василево, заинтересирани да посетуваат обуки за помош на ранливите категории на граѓани,  кои по завршувањето на обуките би биле работно ангажирани за соодветен финансиски надоместок. Исто така Тошева информираше и за организирана крводарителска акција која ќе се случи во периодот од 09,00 до 14,00 часот на 31.07.2019 година, во Домот на културата во Струмица. Општина Василево како докажан партнер на ОО Црвен крст, Струмица, упатува апел до сите свои сограѓани, како и многупати досега да се вклучат и во оваа акција и да ја покажат својата хуманост на дело.