Се известуваат сите граѓани на десетте општини во Југоисточниот плански регион, дека третото прскање против возрасни комарци ќе се изврши во период од 03 до 05 Август 2021 година, со следниот распоред:

На 03.08.2021 година (вторник), во период од 20 до 04 часот во општините Радовиш и Конче.

На 04.08.2021 година (среда), во период од 20 до 04 часот во општините Ново Село, Босилово, Василево, Струмица.

На 05.08.2021 година (четврток), во период од 20 до 04 часот во општините Гевгелија, Валандово, Дојран и Богданци.

Се известуваат сопствениците на пчелни семејства да преземат соодветни мерки за заштита, односно да ги затворат истите во најавениот временски период.

На денешната редовна 47-ма седници, Советот на општина Василево го усвои Кварталниот извештај за извршување на Буџетот на општина Василево за вториот квартал односно за периодот од 01.01.2021 до 30.06.2021 година.

Според информацијата доставена од Одделението за финансии во општина Василево, реализацијата изнесува 42,15%  или од планирани 166 364 921 ден. реализирани се 70 117 507 денари. Оваа реализација е за Буџетот на општина Василево цклучетелно со буџетите на единките корисници, основните општински училишта „Гоце Делчев“, Василево и „Атанас Нивичански“ Нова Маала и детската градинка „Прва радост“; Василево.

Реализацијата кај Основниот Буџет пак изнесува 37, 91 % или од планирани 83 420 000 денари реализирани се 31 620 796 денари.

Усвоен беше и предложениот Ребаланс на Буџетот на општина Василево, кој претрпе зголемување од 16 455 000 енари, кое според образложението дадено од претставникот од одделението за финасии на општина Василево се должи на средствата одобрени од Бирото за регионален развој со намена за Реконструкција, Санација и адаптација на постојниот објект на Домот на културата во Василево и Реконструкција на улица во Василево од црквата до училиштето, како и за финансирање на изборните активности за престојните локални избори.

Одобрен беше и Финансискиот извештај за на ЈПКД„Турија“, Василево за првото полугодие. Според Извештајот ЈПКД Турија во првото полугодие од годинава покажува позитивен финансиски резултат односно добивка од работењето во износ од 339 091 денари.

На денешниот дневен ред за работа на Советот беа и неколку предлози за измена и дополнување на дел од Програмите за 2021 година и тоа на Програмата за изработка на урбанистички планови, Програмата за изградба, реконструкција, одржување на локални патишта и улици и Програмата за локален економски развој.

Позитивно мислење добија и Предлог-стратегија за меѓуетничка интеграција во образованието и граѓанска вклученост на општина Василево за периодот 2021-2026 год., Годишниот план за вработување на општина Василево за 2022 година, Одлука за формирање Општински совет за Социјална заштита како и

Одлуката за користење на Процена на загрозеност од ризици и опасности за настанување на кризна состојба на подрачјето на општина Василево која на денешната седница беше ставена како дополнителна точка на дневниот ред.

Советниците позитивно одговорија и на барањето за финансиска помош кое беше доставено до нив.

На 29.07.2021 година(четврток) со почеток во 12,00 часот,Советот на општина Василево ќе ја одржи четириесет и седмата седница. За работа на седницата предложен е следниот дневен ред:

1. Кваратален извештај за извршување на Буџетот за 2021 година за периодот од 01.01.2021 до 30.06.2021 год. (К-1);
2. Кваратален извештај за доспеани а неизмирени обврски на општина Василево за периодот од 01.01.2021 до 30.06.2021 год. (К-2);
3. Кваратален извештај за промените на состојбата на задолжувањето на општина Василево за периодот од 01.01.2021 до 30.06.2021 год. (К-3);
4. Предлог-стратегија за меѓуетничка интеграција во образованието и граѓанска вклученост на општина Василево за периодот 2021-2026 год.
5. Давање согласност на Годишен план за вработување на општина Василево за 2022 год.
6. Предлог-одлука за формирање Општински совет за Социјална заштита;
7. Измена и дополнување на Буџетот на општина Василево (Ребаланс) за 2021 година;
8. Предлог-Програма за измена и дополнување на Програмата за изработка на урбанистички планови во општина Василево за 2021 година;
9. Предлог-Програма за дополнување на Програмата за изградба, реконструкција, одржување на локални патишта и улици за 2021 година;
10. Предлог-Програма за дополнување на Програмата за локален економски развој на подрачјето на општина Василево за 2021 година;
11. Донесување на Одлука по Барање за финансиски средства поднесено од Мустафов Илми од с. Градашорци;
12. Финансиски извештај на ЈПКД „Турија“ за прво полугодие за 2021 година од 01.01.2021 до 30.06.2021 година.

Седницата ќе се одржи во просториите на Домот на културата во Василево со почеток во 12,00 часот.

Државниот завод за статистика објавува Јавен конкурс за ангажирање на реонски попишувачи и и инструктори за Пописот на населението, домаќинствата, и становите во Република Северна Македонија, што ќе се одржи во периодот од   05-30.09.2021 година.

Конкурс за реонски попишувачи и инструктори

Денес, општина Василево во соработка со Општинските одбори на Сојузот на борците од Струмица и Радовиш, со полагање свежо цвеќе пред спомен плочата во населеното место Радичево, ја одбележа 80 годишнината од средбата на струмичката и радовишката младина на која биле поставени основите на идното заедничко револуционерно дејствување.

За случувањата од пред точно 80 години беше прочитан реферат, преку кој им се оддава почит на организаторите на средбата од 19.07.1941година година и се негува споменот за времето,  настаните и луѓето чие дело денес се чевствуваше.

Пред спомен плочата се поклонија и положија свежо цвеќе делегации од Општинските одбори на Сојузот на борците од Струмица и Радовиш и делегација од општина Василево.

Во рамките на Проектот за поврзување на локални патишта кој се реализира од страна на Министерството за транспорт и врски со финансиска поддршка од Светска банка, Општина Василево аплицираше со три проекти:

1. Реконструкција и ревиталитализација на локален пат од Ново Владевци до Старо Владевци со должина од 1,741,0м,
2.  Изградба на улица во село Градошорцисо должина од 432,0м, и
3. Реконструкција на Улица во Василево покрај канал за наводнување со должина од 420,0м.

Во најскоро време се очекува започнување на градежните работи на овој проект.

Единицата за имплементација на проектот (ЕИП) во рамките на Министерството за транспорт и врски согласно политиките и барањата во делот на животна средина и социјални аспекти на Светска Банка, односно Рамката за животна средина и социјални аспекти – Стандард за животна средина и социјални апскети 10, воведе Механизам за жалби и поплаки со кој ќе се обезбеди одговор на сите жалби и поплаки, особено на засегнатите и заинтересирани страни и заедницата севкупно.

Како дел од спроведувањето на проектот, Општина Василево пред започнување на градежните работи е обврзана да ја информира јавноста, локалното население и останатите засегнати страни дека можат да земат активно учество преку Механизам за жалби и поплаки, а со тоа и самите да се вклучат во реализацијата на проектот. Граѓаните тоа ќе можат да го сторат преку два документи и тоа: Механизам за жалби и поплаки преку примање на жалби и поплаки и нивно процесуирање и решавање и Образец за поплаки за целото спроведување на проектот во делот на неговата реализација при изведувањето на градежните работи на терен.

Во прилог се поставени двата документи, кои се однесуваат на трите проекти и истите ќе останат објавени на официјалната веб страна на Општина Василево сѐ до завршувањето и затворањето на проектот.

Механизам за жалби и поплаки

Образец за поплаки за целиот период на спроведување на проектот

ЈПКД „Турија“, Василево ги известува граѓаните од населените места Василево, Ангелци и Градашорци, дека состојбата со водоснабдувањето е нормализирана, поради што и покрај вчерашната најава за рестрикции, водоснабдувањето  денес ќе се одвива нормално и без прекин.

Од ЈПКД „Турија“  упатуваат апел до водокорисниците за најрационално користење на водата со цел во текот на овој период, на високи надворешни температури, да се обезбеди оптимално снабдување на сите корисници.

За секоја новонастаната состојба  граѓаните ќе бидат благовремено информирани.

ЈПКД „Турија“, Василево ги известува корисниците на вода од регионалниот водоснабдителен систем Ташли Баир , дека   во деновите   09 и 10.07.2021 година (петок и сабота), во периодот од 13,00 часот до 17,00 часот ќе има прекин во водоснабдувањето.  Прекинот се однесува за населените места Ангелци и Градашорци кај кои прекинот ќе биде делумен и за населеното место Василево кај кое во наведениот период водоснабдувањето ќе биде целосно прекинато.

Од ЈПКД „Турија“  информираат дека причина за прекинот е енормната потрошувачка на вода која може да доведе до колабирање на водоснабдителниот систем, поради што повикуваат на  разбирање за состојбата и најрационално користење на водата.

За секоја новонастаната состојба  граѓаните ќе бидат благовремено информирани.

Со почит

ЈПКД „Турија“

Василево

Ги известуваме граѓаните на населените места во општина Василево дека во периодот од 27.07.2021 до 09.08.2021 година, ЈЗУ Здравствен дом Струмица ќе спроведе теренска COVID-19 вакцинација по населените места.

Вакцинацијата ќе се спроведува според следниот план: