Денес, Н.Е амбасадорот на Р.Турција во Р.Македонија г-дин Омур Шолендил, заедно со координаторот на ТИКА г-дин Теоман Тирјаки, и аташето за верски работи при амбасадата на Р.Турција, г-дин Сејфетин Ерсој, имаа средба со градоначалнбикот на општина Василево г-дин Ванчо Стојанов. Заедно го посетија населеното место Висока Маала, каде остварија средба со населените од ова населено место во кое живее исклучиво турско население.

Во изјавата за медиумите, амбасадорот Шолендил изјави дека денешната посета на општина Василево и на населеното место Висока Маала е во рамки на посетата што ја имаат на повеќе општините од Источна Македонија, со цл да се сретнат со своите браќа во Македонија, при што ги нагласи пријателските односи на двете држави, Македонија и Турција кои сакаат да ги подигнат на повисоко ниво.
Изјава за медиумите даде и координаторот на ТИКА г-дин Теоман Тирјаки, кој ја нагласи традиционално добрата соработка што ја имаат ТИКА и општина Василево, која набргу ќе резултира со изградбата на нова училишна зграда за учениците од ова населено место.
Благодарност до Амбасадорот за укажаната чест и до ТИКА упати градоначалникот Стојанов, кој вети дека по изградбата на новата училишна зграда, просториите во кои се одвива наставата ќе ги реконструира и оспособи за други намени, со што жителите од Висока Маала ќе можат содржински да го збогатат своето секојдневие.
Жителите на Висока Маала кои присуствуваа на средбата ги запознаа високите гости со своето секојдневие, потребите и отворени прашања, како што е прашањето на подобрување на водоснабдувањето, изградба на игралиште, асфалтирање на селските улици, при што побараа помош за нивно решавање.

Општина Василево го асфалтирашеше мостот на Новомаалска река за пристап до црквата, со што целосно е завршена неговата изградба.
Целокупната активност опфаќаше и регулација на речното корито во должина од триесетина метри, како и изградба на каскада.
Средствата за изградба на овој мост општината ги обезбеди од од АФПЗРР (Агенција за финансиска поддршка во земјоделието и руралниот развој) од Програмата за финансиска поддршка на руралниот развој за 2013 година Вкупниот буџет изнесува околу 1 900 000 денари од кои околу 1 600 000 денари се од Агенцијата а остатокот, односот износот на Данокот на додадена вредност во износ од околу 300 000 денари е обезбеден од Буџетот на О.Василево.
Со изградбата на овој мост се решава еден долгогодишен проблем што го имаат жителите од едниот дел од селото, во кој живее речиси половина од вкупното население на Нова Маала. Целосно е надминат проблемот кој беше особено изразен за време на обилни врнежи, кога преминувањето преку реката беше невозможно па за премин од едната на другата страна жителите мораа да користат заобиколен пат поминувајќи речиси половина село.
Изведувач на работите е градежната компанија Џови компани.

Во петок, 03.04.2015 година, во периодот од 12,00 до 18,00 часот, во просториите на ЈПКД „Турија“ Василево, г-дин Ромео Тренов – пратеник во Парламентот на Р.Македонија, ќе оствари средба со граѓаните од општина Василево.
На средбата, граѓаните ќе може да разговараат за тековните потреби, за проблемите со кои се соочуваат, ќе имаат можност да дадат свои мислења и идеи, заеднички да побараат решенија и да покренат нови иницијативи.

Од денес започна со работа првата детска градинка во Василево, „Прва радост“. Возбудени, насмеани, помалку уплашени и по некое расплакано детенце, заедно со своите родители, утрово ги исполнија просториите на градинката, каде воспитувачки и негувателките честејќи ги со чоколадциња им посакаа добредојде. Од денес, сите тие заедно, започнаа да испишуваат една нова страница, чија содржина несомнено ќе остави траги кај сите учесници.

Денешниот ден е прв ден во градинка не само за дечињата, туку и за нивните воспитувачки и негувателки, кои заедно со децата ја делат возбудата и радоста заради овој но и сите наредни денови во кои ќе се дружат, воспитуваат и другаруваат.
Успешна работа, многу насмевки, игра, забава, учење, дружење, среќни деца и задоволни родители се желбите кои утринава им ги упати градоначалникот на општина Василево г-дин Ванчо Стојанов, при неговата посета на градинката.
Според информацијата од в.д директорката на градинката, г-ѓа Даниела Трајковска, во моментот се запишани педесетина дечиња кои утрово се згрижени во градинката.

Капацитетот на градинката е 70 дечиња и запишувањето ќе трае се додека истиот не биде пополнет.
Градинката ќе работи од понеделник до петок од 06,00 до 17,00 часот.

Денес, локалната самоуправа од Василево асфалтираше улица во населеното место Дукатино. Новоасфалтираната улица води кон манастирскиот комплекс со што за верниците а и за останатите жители воопшто, створени се услови за подобар пристап кон верскиот објект и кон овој дел селото.
„Со асфалтирањето на оваа улица општината ствара услови и за изградба на куќи во овој дел од селото, кој токму поради лошата пристапност се избегнуваше поради што граѓаните градеа во подолниот дел од селото, кој пак последните години страда од зачестените обилни врнежи“, рече градоначалникот на општина Василево г-дин Ванчо Стојанов, кој денес присуствуваше на асфалтирањето на улицата во Дукатино.

Вкупната должина на оваа улица која од едниот крај е поврзана со постојната асфалтирана која поминува низ селото, изнесува околу 500 метри.
Вкупниот буџет е околу 4 000 000 денари, од кои околу 3 400 000 денари се обезбедени Агенција за финансиска поддршка во земјоделието и руралниот развој преку Програмата за финансиска поддршка на руралниот развој, а остатокот од околу 600 000 денари се средства од општинскиот буџет. Изведувач на работите е градежната компанија „Џови компани“.

Завршните сметки на двете основни општински училишта „Атанас Нивичански“ и „Гоце Делчев“, беа усвоени на вчерашната 25- та редовна седница на Советот на општина Василево, на која беа донесни вкупно десет одлуки.
Советниците беа усоглаени и со мнозинство од сите присуни ги донесоа одлуките за утврдување на приоритните проекти со кои општина Василево ќе аплицира за средства од ЕУ ИПА грантот за рурална инфраструктура на јавниот повик објавен од Министерството за финансии.

Станува збор за вкупно три предлог-проекти, за кои образложение даде градоначалникот на општината, г-дин Ванчо Стојанов. „Изградба на улица во с. Василево од центарот до индустриската зона“, Изградба на колектор К1 со дел од припадни колектори во с. Ангелци“ и „Изградба на улица во с. Владиевци“, се предлог-проектите со кои општина Василево ќе конкурира за европски средства.
На седницата беа усвоени и два предлози кои се однесуваат на детската градинка „Прва радост“ Василево. Донесена е одлука за проширување на програмите за вршење на дејноста на ЈОУГД „Прва радост“ општина Василево, во објект во с. Моноспитово, општина Босилово, што значи дека во надлежност на „Прва радост“, Василево е организирањето на целокупната активност, во клон градинката во с.Моноспитово, чиј капацитет е 40 деца на возраст од 2 до 6 години, поделени во три групи со целодневен престој. Усвоена е и одлуката за износот на надоместокот на трошоците за престој во градинката, кој за целодневен престој изнесува 1490 денари.

На седницата беа усвоени и предлозите доставени од УО на „ЈПКД“, Турија Василево за корекција на цените на одредени услуги кои оваа претпријатие им ги испорачува на граѓаните.
Корегирана е цената на техничката вода која од 6,5 денари за м3 зголемена е на 9,00 денари зголемено за 5%ДДВ.
Одобрено е зголемување на водата за пиење кај правните лице, која сега изнесува 45 ден. за м3 зголемено за 2% надоместок за фондот за води и 5%ДДВ.
Корекција односно зголемување на цената претрпе и услугата собирање, транспортирање и депонирање на комуналниот цврст отпад кај правните лица и тоа за правни лица со површини поголеми од 100 м2 оваа услуга сега ќе чини 1500 денари, а за сите останата правни лица и јавни установи цената е 500 денари.

„Од први април, градинката „Прва радост“ во Василево и практично започнува со работа, односно ги отвара вратите за згрижување и престој на најмалите жители на нашата општина – дечињата до седумгодишна возраст односно до тргнување во прво одделение“, рече градоначалникот на општина Василево, г-дин Ванчо Стојанов на прес конференцијата на која беше најавен почетокот со работа на градинката во Василево.

Посебно се осврна на, како што рече, два битни моменти и тоа одлуката донесена од Советот на општина Василево за ослободување од плаќање на престојот во градинката за деца без родители и родителска грижа со што на оваа особено ранлива категорија на деца, за која дополнително ќе бидат обезбедени податоци од Центарот за социјални грижи, ќе им се овозможи да ги уживаат благодетите што ги нуди престојот во градинката, а за нивните старатели тоа ќе биде значително финансиско олеснување.
Вториот битен момент што го потенцира градоначалникот Стојанов беше информацијата дека општините Василево и Босилово имаат потпишано Договор за меѓуопштинска соработка за основање клон на детската градинка „Прва радост“ Василево, согласно кој клон ќе биде градинката во с. Моноспитово. Тоа значи дека со стартувањето со работа на градинката во Василево се ствараат услови за згрижување и на дечињата во Моноспитово. На крајот градоначалникот Стојанов обракајќи им се на родителите кои имаат мали деца им порача дека одлуката да ги запишат дечињата во градинка ќе биде едно од најдобрите нешта што тие го направиле за своите деца.
Информации околу документите неопходни за упис, капацитетот, работното време и цената за престој во градинката даде в.д директорката Даниела Трајковска.
Документи потребни: извод од матичната книга на родените и потврда за редовно вакцинирање, градинката ќе работи од понеделник до петок од 06 ч. до 17 ч., капацитетот е за 70 дечиња, децата ќе бидат сместени во три воспитни групи, деца до 2 години, од 2 до 4 години и од 4 до 6 години.
Износот за еден месец, за целодневен престој изнесува 1490 денари.
На крајот од обраќањето директорката Трајковска им посака успех во работата на вработените а на дечињата пријатен престој.

Во среда, 25.03.2015 година, со почеток во 15,00 часот, Советот на општина Василево ќе ја одржи редовната 25-та Седница. За работа на Седницата предложен е следниот дневен ред:
1. Завршна сметка на ООУ„Гоце Делчев“, Василево за 2014 година.
2. Завршна сметка на ООУ„Атанас Нивичански“, Нова Маала за 2014 година.
3. Предлог-одлука за утврдување на приоритет за реализација на Проектот „Изградба на улица во с. Василево од центар до индустриска зона“ – општина Василево.
4. Предлог-одлука за утврдување на приоритет за реализација на Проектот „Изградба на колектор К1 со дел од припадни колектори во с. Ангелци“ – општина Василево.
5. Предлог-одлука за утврдување на приоритет за реализација на Проектот„Изградба на улица во с. Владиевци“ – општина Василево.
Седницата ќе се одржи во просториите на Домот на културата во Василево.