ЈПКД„Турија“, Василево ги известува граѓаните на населеното место Василево, корисници на вода од регионалниот систем за водоснабдување, дека утре, 10.06.2021 година, во периодот од 10,00 до 13,00 часот ќе има прекин во снабдувањето со вода. Причината за прекинот, како што информираат од ЈПКД„Турија“ е извршување на работни активност на водоводната мрежа и апелираат до граѓаните да имаат разбирање за состојбата и навреме да се снабдат со вода за евентуални неопходни потреби.
Ги известуваме граѓаните на општина Василево дека СЕ ОДЛОЖУВА прскањето против комарци кое требаше да се спроведе на 08.06.2021 година во периодот од 20,00 до 04,00 часот.
Според информацијата од Центарот за развој на ЈИПР во чија организација се спроведува прскањето, истото се одложува поради неповолни временски услови, т.е појава на врнежи во предвидениот период.
Одложувањето се однесува за сите десет општини од Регионот.
За новиот термин во кој ќе се спроведе прскањето, граѓаните ќе бидат дополнително известени.
Во општинскиот центар Василево, локалната самоуправа асфалтираше четири улици,чија изградба според информацијата од градоначалникот на општина Василево, Марјан Јанев, е планирана со Прорамата за локални патишта и улици за 2020 години, а како приоритет се одбрани од граѓаните на ова населено место на една од непосредните средби со градоначалникот. Улиците се на различни локации, со различни должини и ширини кои зависат од условите на теренот и местоположбата. Вкупната должина изнесува 420 метри, а буџетот во износ од околу 1 200 000 денари е обезбеден од општинската каса. Следни на ред за асфалтирање од минатогодишната Програма се двете планирани улици во населеното место Пиперево, каде градежната компанија Пешо онженеринг, која ги изведува работите на терен, врши подготовка на трасата.
Според информацијата споделена на оппштинскиот ФБ профил, https://www.facebook.com/opstina.vasilevo.marjan,од страна на градоначалникот Јанев во периодот што следува, во Василево ќе се асфалтира и улицата која води од училиштето кон отворениот канал со средства обезбедени од Министерството за транспорт и врски на РСМакедонија. Јанев исто така најави дека во моментот се подготвува техничката документација за објавување на јавна набавка за избор на градежна компанија за изградба на улици од Програмата за локални патишта и улици за 2021 година во сите населени места на општина Василево.
Според истражувањата на Индексот на активна транспарентност 2021 година, спроведени од страна на Центарот за граѓански комуникации, општина Василево е на третото место во рамки на Југоисточниот плански регион и на дваесето место во рамки на државата. Со вкупно 84,1% од можни 100%, општина Василево се вбројува во првата група институции за кои според истражувачите, активната транспарентност е опишана како „многу добра“.
Ставот на градоначалникот на општина Василево, Марјан Јанев е дека ваквото рангирање е само мотив повеќе општина Василево да продолжи со објавување на сите информации кои се од интерес на граѓаните. „Тргнувајќи од фактот дека под активна транспарентност се подразбира објавувањето информации на сопствена иницијатива на институциите, без притоа некој да има доставено до нас барање за пристап до тие информации, како општина можеме да бидеме задоволни од моменталната состојба и ова рангирање ни е само дополнителен мотив да продолжиме во нагорна линија, односно по сопствена иницијатива да ги објавуваме сите информации кои се од интерес на граѓаните“.
Истражувањето е спроведено врз основа на претходно изработена методологија и структурирани прашалници за состојбата на исполнетост на обврските за активно објавување на информациите на интернет страниците на институциите.
Во населеното место Сушево заврши изградбата на улицата која води кон селската црква. Должината на асфалтната лента изнесува 112 метри а ширината околу 3 метри. Со изградбата на улицата опфатена е и целосна реконструкција на постојниот потпорен ѕид во должина од 30 метри и висина од околу 1,3 метри.
Вкупниот Буџет за оваа инвестиција изнесува околу 320 000 денари, средства обезбедени од Буџетот на општина Василево.
Според информацијата од градоначалникот на општина Василево Марјан Јанев, објавена на ФБ профилот на општина Василево, https://www.facebook.com/opstina.vasilevo.marjan, оваа улица е од Програмата за изградба на локални патишта и улици за 2020 година и истата како приоритет за изградба е предложена од граѓаните на ова населено место на една од средбите со градоначалникот, при планирањето на општинските Програми.
Изведувач на градежните работи на терен е компанијата Пешо инженеринг.
Во вторник, 08.06.2021 година во периодот од 20,00 до 04,00 часот, на територијата на општина Василево ќе се изврши првото прскање против возрасни комарци.
Според информацијата добиена од Југоисточниот плански регион, првото прскање против возрасни комарци на територијата на десетте општини во ЈИПР ќе се спроведе во периодот од 07 до 09 јуни 2021 година, по следниот распоред:
Се известуваат сопствениците на пчелни семејства да преземат соодветни мерки за заштита, односно да ги затворат истите во најавениот временски период.
Денес, Советот на општина Василево ја одржа редовната 45-та седница, на чиј дневен ред, по дополнувањето имаше вкупно шест предлози и сите беа усвоени.
Од Центарот за јавно здравје Струмица, на разгледување и усвојување до Советот на општина Василево беа доставени Стручно мислење за спроведување на превентивна дезинсекција за спречување и сузбивање на вектор преносливите заболувања на територијата на општина Василево и Предлог-акционен план за ставање под контрола на вектор преносливите заболувања со примена на краткорочни и долгорочни мерки во општина Василево. И двата предлози беа усвоени едногласно. Останатите четири точки беа барања за финансиска помош од правни и физички лица. За сите беа донесени одлуки со кои на барателите им се одобрува одредена сума на парични средства.
Денес, во Василево, во организација на ОО на Црвен Крст Струмица, Заводот за трансфузиона медицина, Струмица и со поддршка на локалната самоуправа, се спроведе акција на доброволно дарување на крв. Граѓани на Василево, вработените во локалната самоуправа, во ЈПКД „Турија“ и во училиштето и овојпат ја покажаа својата хуманост на дело и како дел од огромното семејство на крводарители со својата скапоцена течност се вклучија во спасувањето на нечиј живот.
Акцијата се спроведе во просториите на на ООУ „Гоце Делчев“ во Василево, во согласност на протоколите за заштита од Коронавирусот COVID-19.
