Општините Василево, Босилово и Ново Село добија универзален  ровокопач (скип) преку Проектот  за подобрување на општинските услуги  од Програмата  за развој на рураланата ифраструктура –  за која на барање на Владата,   Европската Унија се согласи да обезбеди 15,5 милиони евра.

Вкупниот износ на Програмата вклучително со износот за кофинансирање од страна на Владата на РСМакедонија изнесува 20,667 милиони евра.

Програмата ја имплементира Министерството за финансии на РСМакедонија а ја администрира Светска банка.

Според информацијата  добиена  од МСИП  Проектот, во рамки на Програмата,  од страна на Министерството за финасии направена е набавка на 10 возила –универзални ровокопачи (скипови), кои во наредниот период ќе им бидат предадени на општините. Една од тие општини е и општина Василево која ровокопачот го доби и ќе го користи во партнерство со општините Босилово и Ново Село.

Новата машина ќе помогне во одржување на патиштата, чистење на каналите, копање на ровови и за други работи за кои е наменета.

На веб страната на УНДП (Програмата за развој на обединетите нации) објавен е тендер за Изградба на прочистителна станица во с. Едрениково, општина Василево.

Заинтересираните понудувачи комплетната тендерска документација со сите информации и податоци околу постапката може да ја најдат на следниот линк:

http://procurement-notices.undp.org/view_notice.cfm?notice_id=53725

Крајниот рок за доставување на понудите е 21-ви март, 2019 година до 10,00 часот.

Заинтересираните понудувачи се покануваат на предпонудувачка конференција која ќе се одржи на 11-ти март 2019 година во 10,00 часот во просториите на УНДП во Скопје.

Прочистителната станица во с. Едрениково ќе се гради во рамки на проектот „Управување со сливот на реката Струмица“ преку кој во истото населено место во тек е изградба на систем за фекална канализација.

Советот на општина Василево, денес ја одржа редовната 19-та седница, од чиј дневен ред, на предлог на советничката Христина Гошева од Советничката група на СДСМ, беа изземени девет точки од дневниот ред. Сите девет точки беа барања за финансиска помош и спонзорства поднесени од правни и физички лица. Во образложението за ваквиот предлог Гошева нагласи дека поради веќе распишаните претседателски избори Советот нема законска можност да одобрува финансиски средства, по што предлогот за изземање на посочените точки од дневниот ред беше едногласно прифатен.

Како дополнителна точка за работа на седницате беше предложена и прафатена  Предлог-програма за спроведување на општите мерки за заштита на населението од заразни болести во 2019 година. Истата беше едногласно усвоена.

Со гласовите на сите присутни светници донесени беа и Планот за контрола на популацијата на бездомни кучиња на територијата на општина Василево (2019-2021),  Спогодбата за измена  и дополнување на Спогодбата за начинот и условите за заедничко организирање на извршувањето на линискиот превоз на патници за општините: Струмица, Босилово, Василево и Ново Село и  Одлуката за давање на времено користење без надоместок на недвижни ствари – простор на Министерството за труд и социјална политика – Скопје, Меѓуопштински центар за социјални работи Струмица согласно која на барање на Министерството за труд и социјална политика, општина Василево на  Меѓуопштински центар за социјални работи Струмица му отстапува простории за отварање канцеларија во која граѓаните ќе добиваат услуги од областа на социјалната сфера. Просториите се лоцирани во Василево, во зградата во која е и амбулантата и истите, со договор ќе му бидат отстапени на МТСП на одредено време.

На седницата беше усвоен и полугодишниот извештај за работата на ООУ„Атанас Нивичански“, Нова Маала за учебната 2018/2019 година, и Предлогот за разрешување на член на училишниот одбор на ова училиште и назначување на друг член. Разрешена беше Ели Ѓорѓиева а на најзино место назначена Виолета Тонева.

Советниците ја усвоија и предложената Одлука за утврдување на потребата од донесување на урбанистичко-планска документација за проширување на планскиот опфат и вклопување на бесправниот објект на К.П бр. 1765 во КО Василево вон г.р  и предложената Одлука за сопствено учество на општина Василево за реализација на проектот за улица во с. Нова Маала до резервоар согласно која општина Василево обезбедува сопствени средства во висина од  околу 980 000 денари за изградба на улица во Нова Маала за која средства во висина од 1 000 000 денари се обезбедени преку Министерството за финансии  од Проектот за подобрување на општинските услуги.

На 01.03.2019 година (петок)  со почеток во 10,00 часот Советот на општина Василево ќе ја одржи редовната 19-та седница.

За работа на седницата предложен е следниот дневен ред:

1. Полугодишен извештај за работата на ООУ„Атанас Нивичански“, Нова Маала за учебната 2018/2019 година.
2. Предлог-одлука за утврдување на потребата од донесување на урбанистичко-планска документација за проширување на планскиот опфат и вклопување на бесправниот објект на К.П бр. 1765 во КО Василево вон г.р
3. Предлог-одлука за сопствено учество на општина Василево за реализација на проектот за улица во с. Нова Маала до резервоар.
4. Предлог-спогодба за измена и дополнување на Спогодбата за начинот и условите за заедничко организирање на извршувањето на линискиот превоз на патници за општините: Струмица, Босилово, Василево и Ново Село.
5. Барање од ООУ„Атанас Нивичански“, Нова Маала за разрешување на член на Училишниот одбор и назначување на нов член на Училишниот одбор во ООУ„Атанас Нивичански“, с. Нова Маала.
6. Предлог-план за контрола на популацијата на бездомни кучиња на територијата на општина Василево (2019-2021).
7. Предлог-одлука за давање на времено користење без надоместок на недвижни ствари – простор на Министерството за труд и социјална политика – Скопје, Меѓуопштински центар за социјални работи Струмица.
8. Донесување на одлука по барање за спонзорство за организација на ловечка вечер поднесено од ЛД „Гоце Делчев“, Босилово.
9. Донесување на одлука по барање за финансиски средства за оградување на гробишта во с. Нова маала, поднесено од претседателот на црковниот одбор во с. Нова Маала.
10. Донесување на одлука по барање за финансиски средства за потребите на џамијата во с. Градашорци, поднесено од џамискиот одбор на с. Градашорци.
11. Донесување на одлука по барање за финансиски средства за одбележување на 20 години јубулеј на здружението ЗЗП „Агросојуз“ Василево, поднесено од претседателот на Управен одбор на ЗЗП „Агросојуз“.
12. Донесување на одлука по барање за спонзорство за организација на ловечка вечер поднесено од ЛД  „Фазан“,  Василево.
13. Донесување на одлука по барање за финансиски средства за изградба на ново крштелно во храмот „Св. Наум Охридски“, с. Чанаклија.
14. Донесување на одлука по барање за финансиски средства за технички помагала, електронски уреди на здружението „Басмак Василево“ од с. Василево.
15. Донесување на одлука по барање за спонзорство за организација на ловечка вечер поднесено од ЛД „Беласица“ од Струмица.
16. Донесување на одлука по барање за финансиска помош поднесена од Димитраќ Митев од с. Градашорци бр. 31.

Седницата ќе се одржи во просториите на Домот на културата во Василево.

Денес,  на вонредна седница, Советот на општина Василево  донесе Одлуката со која го одобрува Извештајот за  вкупниот договорен износ по доверители за финансирање на доспеани а неплатени обврски евидентирани во Електронскиот систем за пријавување и евиденција на обврските заклучно со 30.09. 2018 година, а кои ќе се финансираат со средствата добиени од Владата на РСМакедонија како финансиска поддршка за таа намена.

Едногласно беше усвоена и предлог-одклуката за измена на распоредот на средствата на  Буџетот на општина Василево за 2019 година и истата се однесува на преманена  буџетските средства во рамките на една од програмите, т.е во програмата А30 – подмирување на доспеани а ненаплатени обврски.

Утре, 21.02.2019 година, (четврток) со почеток во 10,00 часот  Советот на општина Василево ќе одржи Вонредна седница.  За работа на седницата предложен е следниот дневен ред:

1. Предлог-одлука за одобрување на Извештајот за вкупниот договорен износ по доверителите за финансирање на доспеани а наплатени обврски.
2. Прелог-одлука за измена на распоредот на средствата на Буџетот на општина Василево за 2019 година.

Седницата ќе се одржи во просториите на Домот на културата во Василево.

Во населеното место Едрениково, деновиве  започна изградба на канализациона мрежа.  Информација за текот на активностите и детали околу проектот даде градоначалникот на општина Василево, Марјан Јанев, кој денес беше на трасата во Едрениково и направи увид во работите на терен.

„Би сакал да ги информирам граѓаните од населеното место Едрениково но и целата јавност дека овие денови почнавме со изградба на фекална канализациона мрежа во ова населено место – активност која е во согласност со Програмата за изградба на системи за одведување на отпадни води. Ова е проект на кој општина Василево работеше изминатата година.  Целиот проект  опфаќа изградба на примарна и секундарна мрежа со што ќе овозможиме на сите домаќинства  да се приклучат кон истата и на тој начин ќе ги подобриме условите за живот во Едрениково но и ќе ја подобриме здравата животна средина. Вкупната инвестиција на овој проект изнесува 10 000 000 денари, средства обезбедени преку УНДП од страна на Швајцарската влада.“ изјави градоначалникот Јанев при неговата посета на местото на изградбата на системот за канализација.

Изградбата на системот за канализација во населеното место Едрениково е во рамки на УНДП проектот „Управување со сливот на река Струмица“ каде  партнери се општините од Струмичкиот слив, Министерството за животна средина и просторно планирање на РСМакедонија и Центарот за развој на Југоисточниот плански регион.

Градоначалникот Јанев во денешната изјава информираше и за следните активности кои во продолжение ќе бидат преземени а се во насока на подобрување на условите за живот на населението и зачувување на животната средина во ова населено место.

„Паралелно со ова сакам да ги информирам граѓаните на населеното место Едрениково дека се обезбедени и дополнителни средства во висина од 15 000 000 денари за изградба на прочистителна станица за прочистување на  фекалните отпадни води која треба да се реализира во текот на оваа година. Наша цел е да овозможиме зачувување на здравата животна средина од една страна и да ги подобриме условите за живот во ова населено место од друга страна, изјави градоначалникот Јанев  ветувајќи обезбедување средства за изградба на вакви системи и во останатите населени места  на општина Василево.

На денешната вонредна седница Советот на општина Василево ги усвои двете предложени одлуки: Одлука за сопствено  учество на Општина Василево за реализација на проектот за улица во с.Добрашинци и Одлука за одобрување за користење на средства за финансирање на доспеаните а неплатени обврски на Општина Василево. Според образложението дадено од градоначалникот на општина Василево Марјан Јанев причина за вонредниот карактер на седницата е рокот за доставување на документите  за реализација на проектот за улица во с. Добрачинци, а Одлуката за сопствено улество на општината донесена од Советот е еден од задолжителните документи.

Согласно Одлуката учеството на општина Василево изнесува 2 223 699 денари а од Бирото за регионален развој се побаруваат 3 000 000 денари.

Донесена беше и одлука за одобрување за користење на средства за финасирање на доспеани а неплатените обврски на општна Василево,  која всушност се однесува на средствата одобрени од Владата за подмирување на долговите на општините и единките корисници. Конкретно, единките корисници  ООУ„Атанаса Нивичански“, Нова Маала и ЈОУДГ„Прва радост“, Василево, средствата одобрени за подмирување на нивните долгови, ги отстапуваат  на општина Василево.   Причината е поради тоа што ниту еден од доверителите, не се пријавил  за спогодбено утврдување на износот, во рокот определен со Јавниот  повик  (http://opstinavasilevo.gov.mk/wp-content/uploads/2018/12/Javen-povik.pdf) на Општина Василево со кој се повикуваа доверителите кои имаат доспеани а ненаплатени обврски евидентирани во Електронскиот систем за пријавување и евиденцијата на обврските  заклучно со месец септември 2018 година. ЈОУДГ„Прва радост“, Василево отстапи 85 691 ден. а ООУ„Атанаса Нивичански“, Нова Маала 342 391 денари.

На 15.02.2019 година (петок),  со почеток во 10,00 часот, Советот на општина Василево ќе одржи вонредна седница.

На дневен ред на седницата се две предлог-одлуки.

1. Предлог-Одлука за сопствено учество на Општина Василево за реализација на проектот за улица во с.Добрашинци , Општина Василево и
2. Предлог-Одлука за одобрување за користење на средства за финансирање на доспеаните а неплатени обврски на Општина Василево.

Седницата ќе се одржи во просториите на Домот на културата во Василево .

Денес, во просториите на локалната самоуправа Василево, во организација на ОО Црвен крст од Струмица и Службата за трансфузиона медицина,  во соработка и поддршка од  општина Василево, успешно беше реализирана акција на доброволно дарување на крв – прва во оваа календарска година  со која се најави продолжувањето на успешната повеќегодишна пракса на доброволно дарување на крв.

Традиционално во акцијата се вклучија вработените од локалната самоуправа, ЈПКД „Турија“, Василево и детската градинка „Прва радост“, како и  граѓани од општина Василево кои ја искористија денешната можност,  ја покажаа својата хуманост на дело и се вклучија во спасувањето на нечиј човечки живот.

Собрани беа дваесетина крвни единици, а акцијата се спроведе во периодот од 08,30 до 14,00 часот.